The news is by your side.

Advertisement

میڈیکل بورڈ کی آصف زرداری کو جیل میں اے سی فراہم کرنے کی سفارش

اسلام آباد : میڈیکل بورڈ نے سابق صدر آصف زرداری کو جیل میں اے سی فراہم کرنےکی سفارش کر دی، عدالت نے سابق صدر کو ایئر کنڈیشنر کی سہولت کی فراہمی طبی ماہرین کی رائے سے مشروط کی تھی۔

تفصیلات کے مطابق میڈیکل بورڈ نے سابق صدر آصف زرداری کو جیل میں اے سی فراہم کرنے کی سفارش کر دی ، پمز کےمیڈیکل بورڈ کی متفقہ طور پرسابق صدر کواے سی فراہمی کی سفارش کی۔

ذرائع کا کہنا ہے کہ پمز اسپتال کےمیڈیکل بورڈ نےاڈیالہ جیل انتظامیہ کو مراسلہ ارسال کر دیا ہے ، جس میں آصف زرداری کوجیل میں مناسب ماحول فراہم کرنے کی سفارش کی گئی ہے۔

مراسلے میں کہا گیا ہے کہ سابق صدر آصف زرداری عارضہ قلب، بلڈپریشر،کمر درد میں مبتلا ہیں، ناسازطبیعت کےباعث کمرے کا درجہ حرارت مناسب ہونا ضروری ہے۔

ذرائع کا کہنا ہے کہ میڈیکل بورڈ کاہفتہ وار آصف زرداری کے طبی معائنےکا فیصلہ کیا ہے ، پمزاسپتال کےڈاکٹراڈیالہ جیل میں سابق صدر کا طبی معائنہ کریں گے، آصف زرداری کو اڈیالہ جیل میں فزیو تھراپی کی سہولت فراہم کی جائے گی۔

یاد رہے آڈیالہ جیل حکام نے سابق صدر آصف علی زرداری کے طبی معانئے کیلئے پمز کے میڈیکل بوڈر کو خط ارسال کیا تھا ،جس میں کورٹ کی جانب سے آصف زرادی کو جیل میں اے سی کی سہولت دیے جانے پر رائے بھی طلب کی گئی۔.

مزید پڑھیں : آصف زرداری کو جیل میں ای سی کی سہولت کی فراہمی طبی ماہرین کی رائے سے مشروط

خط میں کہا گیا پمز کا میڈیکل بورڈ ہر ہفتے اڈیالہ جیل میں سابق صدر آصف علی زرداری کا طبی معانئہ کر ے۔

خیال رہے سابق صدر آصف زرداری نے جیل میں اے سی فراہمی کےلیےعدالت سےرجوع کیا تھا اور عدالت نے سابق صدر کو ایئرکنڈیشنر کی سہولت کی فراہمی طبی ماہرین کی رائے سے مشروط کر دی تھی۔

گزشتہ ماہ آصف زرادی کو طبیعت ناسازی پر دو روز کے لیے پمز ہسپتال میں داخل کیا گیا تھا، وہ دل، مہروں، شوگر اور دیگر امراض میں مبتلا ہیں۔

Comments

comments

یہ بھی پڑھیں