پاکستان اور بنگلادیش کے درمیان 2 ٹیسٹ میچوں کی سیریز کا پہلا مقابلہ ڈرا کی جانب بڑھنے لگا، بنگال ٹائیگرز نے 6 وکٹ کے نقصان پر 351 رنز بنا لیے۔
راولپنڈی میں کھیلے جارہے پہلے ٹیسٹ کے چوتھے روز کا کھیل جاری ہے جہاں مہمان ٹیم نے 6 وکٹوں پر 351 رنز بنالیے ہیں، پاکستان کو تاحال 98 رنز کی برتری حاصل ہے۔
تیسرے دن کھیل کے اختتام پر بنگلادیش نے پاکستان کے 448 رنز کے جواب میں 5 وکٹوں پر 316 رنز بنالیے تھے۔
چوتھے روز کے کھیل کے شروعات مشفیق الرحیم اور لٹن داس نے کی لیکن پاکستان کے فاسٹ بولر نسیم شاہ کی گیند پر بنگلادیشی کھلاڑی لٹن داس 56 رنز بنا کر آؤٹ ہوگئے، اس وقت مشفیق الرحیم اور مہدی حسن مرزا کیریز پر ہوجود ہیں۔
بنگلا دیش کی جانب سے ذاکر حسن 12 اور نجم الحسین شنٹو 16، مومن الحق 50، شادمان 93، شکیب الحسن 15 اور لٹن داس نے 56 رنز کی شاندار اننگز کھیل کر آؤٹ ہوئے۔
پاکستان کی جانب سے فاسٹ بولر خرم شہزاد اور نسیم شاہ نے دو کھلاڑیوں کو آؤٹ کیا، صائم ایوب اور محمد علی نے ایک، ایک وکٹ حاصل کی۔
واضح رہے کہ پاکستان نے پہلی اننگز 6 وکٹوں کے نقصان پر 448 رنز بنا کر ڈکلیئر کی تھی۔
سعود شکیل اور محمد رضوان نے شاندار سنچریاں اسکور کی تھیں، بنگلہ دیش کی جانب سے شریف الاسلام اور حسن محمود نے دو، دو وکٹیں حاصل کی تھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں