پیرعلاؤالدین صدیقی کی نمازجنازہ و تدفین، ہزاروں افراد شریک -
The news is by your side.

Advertisement

پیرعلاؤالدین صدیقی کی نمازجنازہ و تدفین، ہزاروں افراد شریک

اسلام آباد: روحانی بزرگ اورعالم دین پیر علاؤالدین صدیقی نقشبندی کی نماز جنازہ ادا کردی گئی، نماز جنازہ اور تدفین میں وفاقی وزرا، آزاد کشمیر کے وزراء، علماء اورہزاروں شہریوں نےشرکت کی۔

تفصیلات کے مطابق معروف بزرگ عالم دین اورمشہور روحانی سلسلہ خانقاہ نیریاں شریف آزاد کشمیر کے سجادہ نشین علامہ پیرعلاؤالدین صدیقی نقشبندی کی نماز جنازہ راولا کوٹ میں ادا کر دی گئی۔ بعد ازاں ان کو دربارعالیہ نیریاں  شریف قبرستانمیں سپر خاک کردیا گیا۔

اس سے قبل سردارعتیق احمد،پیرعلاؤالدین صدیقی نقشبندی کاجسدخاکی برمنگھم سےپاکستان پہنچایاگیا تھا۔

پیرعلاؤالدین صدیقی یکم جنوری 1936 میں پیدا ہوئے، آپ عربی، فارسی، انگریزی اور اردو زبان پر دسترس رکھتے تھے،کئی ملکوں کے تبلیغی دورے کیے مساجد تعمیر کیں اور وعظ ونصیحت سے لوگوں کونیکی اور دین داری کی طرف راغب کیا۔

اے آر وائی کیو ٹی پر مثنوی روم آپ کا مقبول ترین سلسلہ تھا،علامہ پیرعلاؤالدین صدیقی نے تعلیمی میدان میں بھی گرانقدر خدمات سرانجام دیں اور آزاد کشمیر سمیت ملک بھر میں کئی تعلیمی ادارے قائم کیے جہاں دینی وعصری تعلیم کا خصوصی طور پر جدید انتظام کیا۔ برطانیہ میں بھی انہوں نے کئی اسلامک ادارے بنائے۔

محی الدین اسلامک یونیورسٹی اور میر پورآزاد کشمیر میں محی الدین میڈیکل کالج آپ کی کاوشوں کا نتیجہ ہے۔

واضح رہےکہ جمعےکے روز معروف بزرگ عالم دین اور مشہور روحانی سلسلہ خانقاہ نیریاں شریف آزاد کشمیر کے سجادہ نشین علامہ پیر علاؤالدین صدیقی لندن میں انتقال کر گئےتھے، وہ گذشتہ کچھ عرصہ سے لندن کےاسپتال میں زیر علاج تھے۔

Comments

comments

یہ بھی پڑھیں