The news is by your side.

Advertisement

رانا ثناءاللہ کا استعفیٰ: پیرسیالوی کا نوجنوری سے احتجاجی تحریک چلانے کا اعلان

سرگودھا : علماء اور مشائخ کی نمائندگی کرنے والے پیر حمید الدین سیالوی نے کہا ہے کہ پنجاب کے صوبائی وزیررانا ثناءاللہ8جنوری تک اپنے عہدے سے مستعفی نہ ہوئے تو نو جنوری سے بھرپور احتجاجی تحریک چلائی جائے گی۔

ان خیالات کا اظہارانہوں نے سرگودھا میں میڈیا سے گفتگو کرتے ہوئے کیا، رانا ثناءاللہ کے مستعفی نہ ہونے کیخلاف حمیدالدین سیالوی نے نو جنوری سے مریدین کو بھرپور احتجاجی تحریک چلانے کی کال دے دی۔

سرگودھا سیال شریف میں خطاب کرتے ہوئے انہوں نے کہا کہ تمام افراد نوجنوری کو داتا دربار لاہور پہنچیں، تمام لوگ رانا ثناءاللہ کے استعفے تک داتا دربار میں قیام کریں گے۔

حمیدالدین سیالوی نے مزید کہا کہ تمام لوگ عہد کریں کہ قافلوں کی شکل میں داتا دربارپہنچ کر ختم نبوت تحریک میں ساتھ دیں گے، انہوں نے کہا کہ حلف نامے میں تبدیلی کےذمہ داروں کو کیفر کردار تک پہنچانا ہوگا۔


مزید پڑھیں: رانا ثنا کا استعفی پہلا مطالبہ ہے، پیچھے نہیں ہٹیں گے، حمید الدین سیالوی


واضح رہے کہ اس سے قبل بھی پیر حمید الدین سیالوی رانا ثنا اللہ کے استعفیٰ سے متعلق ڈیڈ لائن دی تھی جس پر وزیر اعلیٰ پنجاب شہباز شریف نے ان کو ٹیلی فون کرکے مہلت طلب کی تھی تاہم اس پر تاحال عملدرآمد نہیں ہوسکا۔

پیر حمید الدین سیالوی کا کہنا تھا کہ میرا کسی سیاسی جماعت سے کوئی تعلق نہیں ہے البتہ ہماری تحریک کا پہلا مطالبہ رانا ثناءاللہ کا استعفیٰ ہے جس پر آخری وقت تک قائم رہیں گے۔

Print Friendly, PDF & Email

Comments

comments

یہ بھی پڑھیں