The news is by your side.

Advertisement

حکومت زیادہ دیر نہیں چل پائے گی، اخلاقی جواز کھو بیٹھی ہے، پیر پگارا و چوہدری شجاعت

سکھر/لاہور : سربراہ پاکستان فنکشنل لیگ پیر پگارا نے کہا ہے کہ ختم نبوت قانون سے چھیڑ چھاڑ کرنے والوں کو حکومت کرنے کا کوئی حق نہیں ہے جب کہ مسلم لیگ قائداعظم کے سربراہ چوہدری شجاعت کا کہنا ہے کہ حکومت اقتدار کا اخلاقی جواز کھو بیٹھی ہے.

حروں کے روحانی پیشوا اور موجودہ پیر پگارا صبغت اللہ راشدی گرینڈ ڈویلپمنٹ الائنس کے جلسے سے خطاب کر رہے تھے انہوں نے کہا کہ دھرنے والوں کے خلاف کارروائی افسوس ناک ہے.

پیر پگارا کا کہنا تھا کہ ناموس رسالت کے لیے گھر سے نکلنے والوں اور قانون ختم نبوت میں تبدیلی کے خلاف دھرنا دینے والوں سے مذاکرات ہونے چاہئیے تھے ناکہ اُن پر ڈنڈے برسائے جاتے.

انہوں نے کہا کہ حکومت کو اس ردعمل کا اندازہ تھا اس لیے قانون میں ترمیم کے وقت بہت سوچ بچار سے کام لینا چاہیئے تھا اور تمام آئینی تقاضوں کو پورا کیا جانا چاہیئے تھا.

فنکشل لیگ کےسربراہ پیر پگارا نے مزید کہا کہ حکومت جس طرح کا طرزعمل اپنائے ہوئے ہے اس سے محسوس ہوتا ہے کہ اب یہ حکومت زیادہ دیر نہیں چل پائے گی.

سربراہ مسلم لیگ (ق) چوہدری شجاعت حسین نے کہا ہے کہ قومی حکومت ہی موجودہ بحران کا واحد حل ہے جب کہ کٹھ پتلی حکومت مکمل طور پر ناکام ہوچکی ہے اور نوازشریف کی نااہلی کے بعد کٹھ پتلی حکومت اخلاقی جواز کھو چکی ہے.

چوہدری شجاعت کا کہنا تھا کہ نوازشریف خود کو بچانے کیلئے ملک میں افراتفری اور انار کی چاہتے ہیں جب کہ عدلیہ کے بعد اب فوج کو بحران میں گھسیٹنا حکومت کی بد نیتی ہے.

Print Friendly, PDF & Email

Comments

comments

یہ بھی پڑھیں