site
stats
انٹرٹینمںٹ

پائریٹس آف دی کیریبین 5 کا پہلا مکمل ٹریلر جاری

لاس اینجلس: ہالی ووڈ کی معروف ترین فلم پائریٹس آف دی کیریبین کے پانچویں سیکوئل کا پہلا مکمل ٹریلر جاری کردیا گیا۔

معروف اداکار جانی ڈیپ نے پانچویں قسط ’’ڈیڈ مین ٹیل نو ٹیلز‘‘  میں بھی اپنی اداکاری کے بھرپور جوہر دکھائے ہیں فلم کے ہیرو بحری قزاق جیک اسپیرو نے لڑکپن میں ایک کیپٹن سلازر کو نقصان پہنچایا تھا جو مرنے کے بعد  بھوت کی شکل اختیار کرکے پائریٹ ہنٹر بن گیا اور اب وہ انتقام چاہتا ہے۔

فلم ’’ڈیڈ مین ٹیل نو ٹیلز‘‘ کا مکمل ٹریلر جا ری کردیا گیا ہے جسے شائقین فلم اور مداحین جانی ڈیپ کی جانب سے کافی پذیرائی مل رہی ہے جنہوں  نے اس شاہکار فلم کا بے تابی سے انتظار کرنا شروع کردیا ہے۔

دل کو دہلانے والے مناظراور اچھوتے مضمون کو چھونے  والی اس فلم کی کاسٹ میں جانی ڈیپ کے علاوہ جیوفری رش، اورلینڈو بلوم، برینڈن ٹھیویز، کیون میک نیلی اورجیویئر بارڈمین اپنے گزشتہ کرداروں میں ایک بار پھر دِکھائی دیں گے جن کے علاوہ کچھ نئے کردار بھی فلم کا حصہ بنائے گئے ہیں۔

ملین ڈالرز کی لاگت سے تیار ہونے والی اس فل کو جیری  ’’بریکہی مر‘‘ پروڈیوس کر رہے ہیں  جب کہ جواشم روننگ اور اسپین سینڈ برگ مشترکہ طور پر ڈائریکٹ کر رہے ہیں جسے 26 مئی 2017 کو سینماؤں میں نمائش کے لیے پیش کردیا جائے گا۔

ٹریلر ڑوٹو:

  اپنے دیگر سیکوئل کی طرح یہ سیکوئل بھی جیک اسپیرو کے گرد گھومتی ہے جو خزانے کی تلاش میں کھلے سمندر میں ساتھیوں کے ہمراہ نکل پڑتا ہے جہاں وہ کئی خطروں کا بہادری کے ساتھ سامنا کرتا ہے۔

فلم کے ٹریلر سے فلم کی عکس بندی کے معیار اور مشکل سین کی کامیاب پکچرائزیشن کا بہ خوابی اندازہ ہو جاتا ہے جب کہ فلم کے مرکزی کرادر کی حقیقت سے قریب اداکاری اس سیکوئل میں بھی اپنے عروج پر نظر آتی ہے۔

pirates-post-1

فلم کے زیادہ تر سین کھلے سمندر میں بہ خوبی فلمائے گئے ہیں جب کہ کچھ سین انڈور بھی کیے گئے جس کے لیے بجٹ کو بالائے طاق رکھا گیا ہے تا کہ معیار پر کوئی حرف نہ لائے اور فلم بینوں کی دلچسپی فلم کے آخری منظر تک برقرار رہے۔

pirates-post-3

فلم کے سابقہ سیکوئل کی شاندار کامیابی اور اس اسیکوئل کے ٹریلر کو دیکھ کر اندازہ کرنا مشکل نہیں کہ یہ فلم شائقین میں پذیرائی حاصل کرنے میں کامیاب ہو جائے گی اور فلم بینوں کو سسپینس اور فیٹینسی سے بھرپور فلم 26 مئی 2017 کو دیکھنے کو ملے گی۔

pirates-post-2

یاد رہے کہ پائریٹس آف دی کیریبین سیریز کی پہلی فلم دی کروز آف دی بلیک پرل سال 2003 میں، دوسری فلم ڈیڈ مین چیسٹ سال 2006 میں، تیسری فلم ایٹ دی ورلڈ اینڈ2007 میں، چوتھی فلم آن اسٹرینجر ٹائیڈ سال 2011 میں ریلیز ہوئی اور اب چھ سال بعد یہ پانچویں فلم ریلیز کی جائے گی۔
Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top