The news is by your side.

Advertisement

پیرمحل: پی پی89میں ضمنی انتخابات کیلئے پولنگ کاعمل جاری

پیرمحل : صوبائی نشست حلقہ پی پی نواسی میں پولنگ کا عمل شروع ہوچکا ہے، پولنگ کا عمل شام پانچ بجے تک جاری رہے گا، حلقے میں ن لیگ کا پی ٹی آئی کے حمایت یافتہ آزاد امیدوار سے کانٹے کا مقابلہ متوقع ہے۔

پیر محل کے صوبائی اسمبلی کےحلقے پی پی نواسی میں سیاسی صورت حال اس وقت انتہائی دلچسپ اختیار کر گئی جب پاکستان تحریک انصاف کی قیادت نے آزاد امیدوار کی حمایت کا اعلان کر دیا جس پر پاکستان تحریک انصاف کے امید وار رانا شفیق احمد خاں مسلم لیگ ن کے حق میں دستبردار ہو گئے۔

پولنگ کے لئے الیکشن کمیشن کی طرف سے پولنگ کے لئے تمام انتظامات مکمل کر لئے گئے ہیں، جس کے لئے تمام پولنگ اسٹیشنوں عملہ اور پولنگ کا سامان پہنچا دیا گیا ہے، پولنگ میں کل 166613رجسٹرد ووٹر ز اپنا حق رائے دہی استعمال کریں گے، جن میں 94791مرد ووٹ اور 71822خواتین ووٹر شامل ہیں ، پی پی 89انتخاب کے لئے 147پولنگ اسٹیشن قائم کئے گئے ہیں، جن میں32-32مردو خواتین اور 87مشترکہ پولنگ اسٹیشن شامل ہیں جس پر ایک ہزار سے زائد پولنگ عملہ ڈیوٹی دے گا۔

سیکورٹی اداروں کی طرف سے اے پلس گیٹگزی میں 10 پولنگ اسٹیشن , اے گیٹگزی میں 27 پولنگ اسٹیشن اوربی گیٹگزی میں 110 پولنگ اسٹیشن شامل ہیں تمام پولنگ اسٹیشوں پر پولیس کے2454 اہلکاروں نے اپنی ڈیوٹی سنبھال کر فرائض کی ادائیگی شروع کر دی ہے۔

Comments

comments

یہ بھی پڑھیں