یہ اس زمانے کی بات ہے جب معروف مزاح نگار پطرس بخاری ریڈیو اسٹیشن کے ڈائریکٹر تھے۔ ایک مرتبہ معروف ادیب، شاعر اور جید صحافی مولانا ظفرعلی خان تقریرکے لیے ریڈیو اسٹیشن آئے اور ریکارڈنگ کے بعد پطرس کے پاس جا بیٹھے۔
بات شروع ہوئی تو اچانک مولانا نے پوچھا۔
پطرس یہ تانپورے اور تنبورے میں کیا فرق ہوتا ہے۔
پطرس نے کچھ سوچا اور مولانا ظفر علی سے سوال کیا۔
مولانا آپ کی عمر کیا ہو گی؟
اس پر مولانا کھٹکے ضرور مگر جواب دیا۔
یہی کوئی 75 سال.
یہ سن کر پطرس نے کہا۔
مولانا جب آپ نے اتنی عمر یہ فرق جانے بغیر گزار ہی دی ہے تو دو چار برس اور گزار لیجیے۔
Comments
- Advertisement -
