The news is by your side.

Advertisement

پی کے 63 نوشہرہ ضمنی انتخاب: الیکشن کمیشن نے پی ٹی آئی کے امیدوار کو درخواست میں ترمیم کی اجازت دے دی

اسلام آباد : الیکشن کمیشن نے پی کے 63 نوشہرہ ضمنی الیکشن سے متعلق کیس میں پاکستان تحریک انصاف کے امیدوار کو درخواست میں ترمیم کی اجازت دے دی۔

تفصیلات کے مطابقپی کے 63 نوشہرہ ضمنی انتخاب سے متعلق تحریک انصاف کی درخواست پر سماعت ہوئی ،رکن الیکشن کمیشن پنجاب الطاف ابراہیم قریشی کی سربراہی میں 4رکنی کمیشن نےسماعت کی۔ تحریک انصاف کے وکیل شاہ خاور الیکشن کمیشن میں پیش ہوئے۔

رکن الیکشن کمیشن نے استفسار کیا تمام پریذائڈنگ افسران کو فریق کیوں بنا دیا؟ جن مخالف امیدواروں کو فریق بنایا ان کے پتےبھی دیں، رکن الیکشن کمیشن ارشاد قیصر کا کہنا تھا کہ حوالہ بھی دیں کہ کس قانون کے تحت درخواست دائر کی۔

الیکشن کمیشن نے پی ٹی آئی کے امیدوار کو درخواست میں ترمیم کی اجازت دے دی ، وکیل پی ٹی آئی نے کہا کل تک ترمیم کر دیں گے ، آر او اور مخالف امیدوار کو نوٹس جاری کردیں۔

بعد ازاں الیکشن کمیشن نے کیس کی مزید سماعت 2مارچ تک ملتوی کردی۔

یاد رہے تحریک انصاف کے امیدوار کاکا عمر خیل نے الیکشن کمیشن میں پی کے 63 نوشہرہ کے انتخابی نتائج کیخلاف اپیل دائر  کی تھی ، جس میں کہا ہے کہ انتخابی عملے نے سیریل نمبر ،ووٹوں کی تفصیل میں واضح ردو بدل کی،  ایک پولنگ اسٹیشن پر 1500 بیلٹ پیپرز غائب پائے گئے، پولنگ اسٹیشن نمبر 41میں1200بیلٹ پیپرجاری،483 ووٹ کاسٹ ہوئے، اور 717کےبجائے1317بیلٹ پیپرزریٹرننگ آفسر کو واپس کئے گئے۔

دائر درخواست میں کہا تھا  کہ ایک پولنگ اسٹیشن پر1800بیلٹ پیپر جاری مگر2400 ووٹ کاسٹ ہوئے ، 40فیصدپولنگ اسٹیشنز پر بد انتظامی ،بے قاعدگیاں سامنے آئیں۔

Comments

یہ بھی پڑھیں