The news is by your side.

Advertisement

پی کے 63 نوشہرہ : تحریک انصاف کے امیدوار نے انتخابی نتائج کو چیلنج کر دیا

اسلام آباد: تحریک انصاف کے امیدوار نے پی کے 63 نوشہرہ کے انتخابی نتائج کو چیلنج کر دیا، سیریل نمبر ،ووٹوں کی تفصیل میں واضح ردو بدل کی گئی ، 40 فیصد پولنگ اسٹیشنز پر بد انتظامی ،بے قاعدگیاں سامنے آئیں۔

تفصیلات کے مطابق تحریک انصاف کے امیدوار کاکا عمر خیل نے الیکشن کمیشن میں پی کے 63 نوشہرہ کے انتخابی نتائج کیخلاف اپیل دائر کردی ، جس میں کہا ہے کہ انتخابی عملے نے سیریل نمبر ،ووٹوں کی تفصیل میں واضح ردو بدل کی، فارم46کی مختلف ریکارڈپرمشتمل 2،2تصدیق شدہ کاپیاں جاری کی گئیں۔

درخواست میں کہا گیا کہ ایک پولنگ اسٹیشن پر 1500 بیلٹ پیپرز غائب پائے گئے، پولنگ اسٹیشن نمبر 41میں1200بیلٹ پیپرجاری،483 ووٹ کاسٹ ہوئے، اور 717کےبجائے1317بیلٹ پیپرزریٹرننگ آفسر کو واپس کئے گئے۔

دائر درخواست میں کہا ہے کہ ایک پولنگ اسٹیشن پر1800بیلٹ پیپر جاری مگر2400 ووٹ کاسٹ ہوئے ، 40فیصدپولنگ اسٹیشنز پر بد انتظامی ،بے قاعدگیاں سامنے آئیں۔

یاد رہے نوشہرہ کے حلقہ پی کے63 کے6000 ووٹ غائب ہونے کا انکشاف سامنے آیا ، ذرائع کا کہنا تھا کہ جیت کافرق 4100 جبکہ غائب ووٹوں کی تعداد 6000 سے زائد ہے اور تصدیق شدہ فارم46 میں واضح فرق سامنے آگیا، 6000 ووٹوں کا ریکارڈ نہیں۔

خیال رہے خیبرپختونخوا پی کے 63 نوشہرہ کے ضمنی انتخاب میں ن لیگ نے کامیابی حاصل کی تھی ، ‏نتائج کے مطابق ن لیگ کے ‏اختیار ولی 21122 ووٹ لے کرکامیاب قرار پائے جب کہ پی ٹی آئی کےمحمدعمر17023ووٹ لے کر ‏دوسرے نمبر پر رہے۔

Comments

یہ بھی پڑھیں