طیارہ حادثہ: مزید 11 افراد کی میتیں ورثا کے حوالے کرنے کا عمل مکمل -
The news is by your side.

Advertisement

طیارہ حادثہ: مزید 11 افراد کی میتیں ورثا کے حوالے کرنے کا عمل مکمل

اسلام آباد: طیارہ حادثے میں جاں بحق تمام پاکستانیوں کی میتیں ورثا کے حوالے کرنے کا عمل مکمل ہوگیا۔ آج مزید 11 میتیں سی ون تھرٹی طیارے کے ذریعے چترال منتقل کردی گئیں۔

گیارہ روزہ طویل اور کرب دہ انتظار کے بعد طیارہ حادثے میں جاں بحق تمام 44 پاکستانیوں کی لاشوں کی شناخت کا عمل مکمل ہوگیا۔

اسلام آباد کی یخ بستہ صبح میں ٹھٹھرتے جاں بحق افراد کے لواحقین اپنے اپنے پیاروں کی میتیں گھر لے جانے آئے ہیں۔

مزید پڑھیں: شہدا کے لواحقین کا سپریم کورٹ سے شفاف تحقیقات کا مطالبہ

مزید گیارہ میتیں پمز اسپتال سے لواحقین کے سپرد کردی گئیں۔ 6 افراد کا تعلق چترال کے ایک ہی خاندان سے تھا۔ میتوں کو نور خان ائیر بیس لے جایا گیا جہاں سے انہیں سی ون تھرٹی طیارے کے ذریعے چترال پہنچایا گیا۔

اسپتال انتظامیہ کا کہنا ہے کہ 3 غیر ملکیوں کی میتیں تاحال سرد خانے میں موجود ہیں۔

واضح رہے کہ 7 دسمبر کی شام چترال سے اسلام آباد آتے ہوئے پی آئی اے کا اے ٹی آر طیارہ حویلیاں میں گر کر تباہ ہو گیا تھا۔ حادثے میں معروف نعت خواں جیند جمشید سمیت 47 افراد لقمہ اجل بنے تھے۔

Comments

comments

یہ بھی پڑھیں