The news is by your side.

Advertisement

پی کے8ضمنی انتخاب: غیرحتمی غیرسرکاری نتائج کے مطابق پی پی پی اُمیدوارکامیاب

پشاور : پی کے آٹھ کے ضمنی الیکشن میں پیپلز پارٹی کے امیدوار نے میدان مار لیا، غیر حتمی اور غیر سرکاری نتائج کے مطابق ن لیگ کے امیدوار دوسرے اور جے یو آئی کے امیدوار تیسرے نمبر پر رہے۔

پی کےآٹھ ضمنی انتخاب کےتمام پولنگ اسٹیشن کےغیرحتمی غیرسرکاری نتائج کے مطابق پی پی پی کے امیدوار ملک طہماش نے گیارہ ہزار سات سو ستانوے ووٹ لیکر کامیاب ہوئے۔

ن لیگی امیدوار ارباب وسیم دس ہزار نوسو دس ووٹ لیکردوسرے نمبرپررہے، جے یو آئی کے امیدوارآصف اقبال نے نو ہزار بارہ ووٹ حاصل کرکے تیسرے نمبر پر رہے، پی ٹی آئی امیدوارشہزاد خان نے سات ہزارآٹھ سو سات ووٹ حاصل کرسکے۔

واضح رہے کہ مسلم لیگ ن کے رکنِ اسمبلی کی وفات کے باعث خالی ہونے والے خیبر پختونخواہ اسمبلی کے حلقہ پی کے 8 پر آج ضمنی الیکشن جاری تھے ۔

یہ نشست مسلم لیگ ن کے امیدوار ارباب اکبر حیات کے دل کا دورہ پڑنے کے باعث جاں بحق ہونے پر خالی ہوئی تھی، ضمنی انتخاب میں مسلم لیگ ن، تحریک ِ انصاف، پیپلز پارٹی اور جمعیت علمائے اسلام کے امیدواروں  سمیت 15 امیدواروں نے پنجہ آزمائی کی۔،

الیکشن کمیشن کے مطابق حلقہ میں رجسٹرد ووٹرز کی کُل تعداد 1لاکھ 36 ہزار 508 ہے،جن کے لیے حلقہ میں 98 پولنگ اسٹیشنز بنائے گئے تھے۔

دوسری جانب پولنگ کے لیے سخت حفاظتی اقدامات کیے گئے تھے، 98 پولنگ اسٹیشنز میں 39 پولنگ استٰشنز کو حساس ترین جبکہ 48 کو حساس قرار دیا گیا تھا۔

Comments

comments

یہ بھی پڑھیں