The news is by your side.

Advertisement

مسجدنبویﷺ میں اعتکاف کرنے سے متعلق بڑا فیصلہ

مدینہ منورہ: سعودی عرب میں کرونا وبا کے بڑھتے کیسز کے باعث حکام نے مزید پابندیاں عائد کردی ہیں۔

سعودی عرب میں کرونا کیسز کی تعداد میں اچانک اضافہ ہونے لگا ہے، جس کے باعث رمضان المبارک کے مقدس مہینے کی تیاریوں کو سخت دھچکا لگا ہے۔

عرب میڈیا کے مطابق کرونا کے بڑھتے کیسز کے باعث رمضان المبارک میں مسجدنبوی ﷺ میں بچوں کےداخلے پر پابندی عائد کردی ہے، اس پابندی کا اطلاق پندرہ سال سے کم عمر بچوں پر لاگو ہوگا۔

عرب میڈیا کے مطابق عالمی وبا کے پیش نظر مسجدنبویﷺ میں نماز تراویح کو دس رکعت تک محدود کردیا گیا ہے ساتھ ہی بتایا گیا ہے نماز تراویح کے تیس منٹ بعد مسجدنبویﷺ کو بند کردیا جائے گا۔

کرونا وبا کے باعث رمضان المبارک کے آخری عشرے میں اعتکاف سے متعلق بھی سخت فیصلہ کیا گیا ہے، گذشتہ سال کی طرح اس سال بھی مسجدنبویﷺمیں اعتکاف کی اجازت نہیں ہوگی، یہ مسلسل دوسرا سال ہوگا جب مسجدنبویﷺمیں اعتکاف کی اجازت نہیں ہوگی۔

عرب میڈیا کے مطابق مسجد نبوی میں افطار کیلئے کھانا تقسیم کرنے پر پابندی ہوگی۔

واضح رہے کہ گذشتہ چوبیس گھنٹوں کے دوران سعودی عرب میں کرونا کے 238 نئے کیسز رپورٹ ہوئے، جن میں سے مکہ ریجن میں 111،مشرقی صوبے میں 84، اور مدینہ میں 34 کیسز رپورٹ ہوئے۔

اس کے علاوہ گذشتہ چوبیس گھنٹوں کے دوران سعودی عرب میں 386 افراد نے کرونا کو شکست دی، جس کے بعد سعودی عرب میں تین لاکھ اٹہتر ہزار چار سو انہتر افراد عالمی وبا سے صحت یاب ہو چکے ہیں۔

Comments

یہ بھی پڑھیں