جرمنی میں مسافر بردار طیارہ گھر پر گر کر تباہ ہوگیا جس کے نتیجے میں 2 افراد ہلاک ہوگئے۔
غیرملکی خبررساں ادارے کی رپورٹ کے مطابق جرمنی میں مسافر بردار چھوٹا طیارہ گھر پر گر کر تباہ ہوگیا جس کے نتیجے میں آگ بھڑک اٹھی اور پائلٹ اور گھر کا رہائشی ہلاک ہوگئے۔
پائلٹ چند منٹ کے فاصلے پر قریبی شہر مونچینگلاڈ باغ میں لینڈ کرنے کی کوشش کررہا تھا جب یہ حادثہ پیش آیا۔
طیارہ عمارت کی چھت سے ٹکرایا اور آگ بھڑک اٹھی۔
آگ کے شعلوں نے سیکنڈوں میں گھر کو اپنی پلیٹ میں لے لیا، دھوئیں کے گہرے بادل آسمان میں اڑتے دیکھے گئے۔
فائر فائٹرز اب بھی طیارے کے ملبے کی جگہ پر آگ پر قابو پانے کی کوشش کررہے ہیں۔
جائے حادثہ سے دونوں ہلاک ہونے والے افراد کی لاشیں نکال لی گئی ہیں تاہم ان کی شناخت فوری طور پر نہیں ہوسکی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں