نیروبی: تنزانیہ میں ایک مسافر طیارہ جھیل میں جا گرا، جس میں سوار مسافروں میں سے 26 کو بچا لیا گیا ہے، دیگر کی تلاش جاری ہے۔
تفصیلات کے مطابق تنزانیہ کے ریاستی نشریاتی ادارے نے بتایا کہ ایک مسافر طیارہ اتوار کو تنزانیہ کی جھیل وکٹوریہ میں اس وقت گر کر تباہ ہو گیا، جب طوفانی موسم میں اس نے جھیل کے کنارے آباد شہر بوکوبا کے ہوائی اڈے پر لینڈ کرنے کی کوشش کی۔
بی بی سی کے مطابق بوئنگ طیارے میں 43 افراد سوار تھے، جن میں سے 26 کو بچا کر اسپتال منتقل کر دیا گیا ہے، جب کہ ریسکیو کارکن اور مقامی ماہی گیر دیگر افراد کی تلاش میں مصروف ہیں۔
حادثے کی ویڈیوز میں نظر آتا ہے کہ طیارہ پانی میں ڈوب چکا ہے، اور صرف اس کی دم پانی سے نکلی ہوئی ہے، اور اس کے چاروں طرف امدادی کارکنوں اور ماہی گیری کی کشتیاں ہیں۔
Tanzania's Precision Air plane crash lands into Lake Victoria as it attempted to land at Bukoba Airport.
Reports say the crash was occasioned by bad weather; rescue efforts of 49 passengers on board underway.
📹: Courtesy pic.twitter.com/BZsSbRdQIi
— NTV Kenya (@ntvkenya) November 6, 2022
واضح رہے کہ بوکوبا ہوائی اڈے کے رن وے کا ایک سرا افریقہ کی سب سے بڑی جھیل وکٹوریہ کے کنارے کے بالکل قریب واقع ہے۔
پریسیژن ایئر کی پرواز تنزانیہ کے سب سے بڑے شہر دار السلام سے بکوبا کے راستے موانزا جا رہی تھی، جب مبینہ طور پر اسے طوفان اور شدید بارشوں کا سامنا کرنا پڑا۔
