تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

امریکا میں طیارہ حادثہ: پیراشوٹ‌ کے ذریعے طیارے کی ہنگامی لینڈنگ کی ویڈیو وائرل

واشنگٹن : امریکا میں دوران پرواز دو طیاروں میں تصادم کے بعد متاثرہ طیارے کی پیراشوٹ کے ذریعے لینڈنگ کی ویڈیو سوشل میڈیا پر وائرل ہوگئی۔

انٹرنیٹ پر اکثر ایسی ویڈیوز وائرل ہوتی رہتی ہیں جنہیں دیکھ کر صارفین دنگ رہ جاتے ہیں، طیارہ حادثے کی ایسی ہی ایک ویڈیو انٹرنیٹ پر تیزی سے وائرل ہورہی ہے جسے دیکھ کر صارفین حیرت زدہ رہ گئے۔

ویڈیو دو طیاروں کے دوران پرواز ٹکرانے کے بعد کی ہے، جس میں ’سرس ایس آر 22‘ کو فضا سے پیراشوٹ کے ذریعے میدانی علاقے میں اترتے دیکھا جاسکتا ہے۔

میڈیا رپورٹس میں بتایا گیا ہے کہ پیراشوٹ کے ذریعے ہنگامی لینڈنگ کے باعث جہاز کو معمولی نقصان پہنچا ہے جب کہ دوسرا طیارہ بحفاظت ایئرپورٹ پر لینڈ ہوگیا، حادثے میں دونوں پائلٹ محفوظ رہے۔

یہ بھی پڑھیں : امریکا میں خوفناک حادثہ، دو طیارے ٹکرا کر تباہ

خیال رہے کہ مال بردار طیارے اور چھوٹے طیارے میں تصادم 12 مئی کو اس وقت ہوا تھا، جب یہ چھوٹا طیارہ روٹ سے ہٹ کر قریبی علاقے میں 35 منٹ سے زائد کی پرواز کے بعد چیری کریک اسٹیٹ پارک کے اوپر پہنچا تو لینڈنگ کیلئے آنے والی فلائٹ کے جی 970 سے ٹکرا گیا تھا۔

Comments

- Advertisement -