The news is by your side.

Advertisement

امریکا: کپتان کا دم گھٹنے کے باعث طیارے کی ہنگامی لینڈنگ

کینٹکی: امریکی ریاست کینٹکی میں کپتان کا دم گھٹنے کے نتیجے میں طیارے کی ہنگامی لینڈنگ کرنا پڑ گئی۔

امریکی فضائی کمپنی کا طیارہ ایلی جائنٹ ایئر گزشتہ روز ایک اندرونی پرواز میں ریاست کینٹکی سے فلوریڈا جارہا تھا، تاہم کپتان کی صحت کے حوالے سے ہنگامی صورتحال درپیش ہونے کے بعد اس نے اپنا روٹ تبدیل کیا اور اسی ریاست میں گینزول ہوائی اڈے پر ہنگامی لینڈنگ پر مجبور ہوگیا۔

فوکس نیوز کے مطابق طیارہ جمعرات کی صبح مقامی وقت کے مطابق 7 بجے روانہ ہوا تھا اور 8:30 منٹ پر اس کو گنیزول ہوائی اڈے کی جانب موڑ دیا گیا۔

گینزول فائر بریگیڈ کی جانب سے جاری کردہ تصاویر میں اے 320 طیارے کے محفوظ طریقے سے لینڈنگ کے بعد اطراف میں کھڑی ایمبولینس کو دیکھا جاسکتا ہے، کپتان کو ہسپتال منتقل کرنے قبل فوری طور پر طبی امداد فراہم کی گئی اب کپتان کی حالت بہتر بتائی جارہی ہے۔

مذکورہ فضائی کمپنی کے مطابق طیارے میں 155 مسافر سوار تھے تاہم طیارے کی باحفاظت لینڈنگ کی وجہ سے کسی قسم کا جانی نقصان پیش نہیں آیا، نئے عملے کے بھیجے جانے کے بعد طیارے کو منزل مقصود پر روانہ کردیا گیا۔

واضح رہے کہ دو ماہ قبل بھی امریکی فضائی کمپنی کے مسافر بردار طیارے کی امریکی شہر فلاڈیلیفیا میں انجن پھٹنے کے باعث ہنگامی لینڈنگ کی گئی تھی جس کے نتیجے میں ایک خاتون ہلاک جبکہ سات مسافر زخمی ہوگئے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

Comments

comments

یہ بھی پڑھیں