The news is by your side.

Advertisement

طیارہ حادثے کا شکار ہونے سے بال بال بچ گیا

سربیا میں ایک طیارہ حادثے کا شکار ہوتے بال بال بچا اور بال برابر فاصلے سے ایک درخت کو چھوتے ہوئے گزر گیا۔

سربیا کے گریٹ ایئرپورٹ پر ریکارڈ کی گئی اس ویڈیو میں دیکھا جاسکتا ہے کہ رادا ایئر لائن کا کارگو طیارہ ٹیک آف کررہا ہے۔

ٹیک آف کرتے ہوئے وہ درختوں کے ایک جھنڈ کے اوپر سے گزرتا ہے اور ایک درخت سے بالکل ذرا سے فاصلے سے گزرتا ہے۔

درخت کے اوپر سے گزرتے ہوئے طیارہ درخت کی ٹہنیوں اور پتوں سے ٹکراتا ہے، ویڈیو میں دیکھا جاسکتا ہے جہاز کے گزرنے کے بعد شاخیں اور پتے ریزہ ریزہ ہو کر فضا میں بکھرتے دکھائی دیتے ہیں۔

درخت سے ٹکرانے کے باوجود پائلٹس طیارے کی پرواز جاری رکھتے ہیں اور طیارے کو فضا میں بلند کرلیتے ہیں جس سے ظاہر ہوتا ہے کہ طیارہ کسی نقصان سے محفوظ رہا۔

بین الاقوامی میڈیا کے مطاق یہ واقعہ سربیا میں رواں برس جولائی میں پیش آیا تھا۔

Comments

یہ بھی پڑھیں