The news is by your side.

Advertisement

امریکا: طیارے کی ساحل سمندر پر ایمرجنسی لینڈنگ، ویڈیو وائرل

امریکا میں چھوٹا طیارہ حادثے کا شکار ہوگیا جس کا پائلٹ معجزاتی طور پر محفوظ رہا، ایوی ایشن حکام نے حادثے کی تحقیقات شروع کردیں۔

امریکی ریاست فلوریڈا میں حادثے کا شکار یہ طیارہ سیسنا 172 تھا جس نے دوپہر 2 بجے ہالی ووڈ ایئر پورٹ سے اڑان بھری۔ 10 منٹ فضا میں رہنے کے بعد طیارے کو ساحل پر ایمرجنسی لینڈنگ کرنی پڑی۔

فیڈرل ایوی ایشن ایڈمنسٹریشن کے ترجمان کے مطابق بظاہر جہاز کے انجن میں کوئی خرابی پیدا ہوئی جس کی وجہ سے پائلٹ اسے واپس ایئر پورٹ نہ لے جاسکا اور اسے ساحل پر ایمرجنسی لینڈنگ کرنی پڑی۔

ساحل پر موجود ایک شخص نے اس کی ویڈیو بھی بنائی، اس کا کہنا تھا کہ زمین کو چھونے کے بعد طیارے کی ناک ریت میں دھنستی ہوئی آگے چلی گئی اور بالآخر وہ رک گیا۔

حادثے میں پائلٹ معمولی زخمی ہوا جسے فوری طور پر اسپتال منتقل کردیا گیا۔

فیڈرل ایوی ایشن حادثے کی تحقیقات کر رہی ہے۔

Comments

یہ بھی پڑھیں