The news is by your side.

Advertisement

کیا مریم نواز کی پریس کانفرنس میں فرمائشی سوالات بھی کروائےگئے؟

لاہور: مریم نواز کی پریس کانفرنس کے دوران رپورٹر کو نام لے کر پکارا گیا اور موبائل دیکھنے کا اشارہ بھی کیا گیا جس کے بعد مسلم لیگ ن کی نائب صدر نے کہا جی اب سوال پوچھیں۔

تفصیلات کے مطابق گزشتہ روز لاہور میں کیا مریم نواز کی پریس کانفرنس میں فرمائشی سوالات بھی کروائےگئے؟ پریس کانفرنس کے دوران مریم نواز مریم اورنگزیب سے سرگوشی کرتی نظر آئیں۔

پریس کانفرنس کے دوران مریم اورنگزیب نے پہلے میسج ٹائپ کیا، پھر رپورٹر کو پکارا اور موبائل دیکھنے کا اشارہ کیا جس کے بعد مسلم لیگ ن کی نائب صدر مریم نواز نے کہا اب سوال پوچھیں۔

رپورٹر کی جانب سے سوال کیا گیا کہ میاں صاحب خاموش کس وجہ سے ہیں یہ بتا دیں؟ مریم نواز نے سوال پوچھنے پر پہلے رپورٹر کا شکریہ ادا کیا پھر جواب دیا۔

وزیر اطلاعات پنجاب فیاض الحسن چوہان نے پریس کانفرنس سے متعلق کہا کہ انہوں نے پے رول پر صحافی رکھے ہیں، اپنی مرضی کے سوال کرتے ہیں، مریم نواز بالکل اپنے والد کے نقش قدم پر چل رہی ہیں۔

Comments

یہ بھی پڑھیں