کراچی: صوبہ سندھ کے دارالحکومت کراچی میں بجلی کی تقسیم کار کمپنی کے الیکٹرک نے ملک بھر کے شہریوں کو شجر کاری کی دعوت دی ہے۔
تفصیلات کے مطابق کے الیکٹرک نے سماجی رابطوں کی ویب سائٹ ٹویٹر پر ایک ویڈیو شیئر کرتے ہوئے ملک بھر کے شہریوں کو دعوت دی ہے کہ وہ شجر کاری کرتے ہوئے اپنی تصویر انہیں ارسال کریں اور کے الیکٹرک تصویر بھیجنے والے کے نام سے ایک اور درخت لگائے گی۔
کے الیکٹرک نے دعویٰ کیا ہے کہ وہ اب تک 70 ہزار سے زائد درخت لگا چکی ہے۔
Share your selfie of planting a tree and we will plant another on your behalf. Let’s play our part & #PlantForPakistan. pic.twitter.com/p6bt3UL0WU
— KE (@KElectricPk) January 10, 2018
کے الیکٹرک نے اس مہم کو ’آؤ پاکستان کے لیے شجر کاری کریں‘ کا نام دیا ہے۔
ٹویٹر پر کے الیکٹرک کے اس اقدام کو تنقید کا نشانہ بھی بنایا جارہا ہے۔ لوگوں کا کہنا ہے کہ کے الیکٹرک کا کام بجلی پیدا کرنا اور فراہم کرنا ہے، درخت لگانا نہیں، اگر وہ اپنے اصل مقصد پر ہی توجہ مرکوز رکھیں تو بہتر ہوگا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
