The news is by your side.

Advertisement

سندھ حکومت کا پلاسٹک کی تھیلیوں پر پابندی کا اعلان

کراچی: محکمہ ماحولیات سندھ نے پلاسٹک تھیلیوں کی پابندی پر عملدرآمد کرانے کا اعلان کردیا جس کے مطابق پابندی کا اطلاق رواں سال یکم اکتوبر سے ہوگا۔

تفصیلات کے مطابق مشیر ماحولیات سندھ مرتضیٰ وہاب نے کہا ہے کہ یکم اکتوبر سے پلاسٹک تھیلیوں کی تیاری، فروخت، استعمال پر پابندی ہوگی، پلاسٹک تھیلیوں سے متعلق عوامی آگاہی مہم کا آغاز کردیا گیا ہے۔

مشیر ماحولیات سندھ مرتضیٰ وہاب نے کلفٹن کے علاقے میں شہریوں میں کپڑے کے تھیلے تقسیم کیے، انہوں نے کہا کہ شہر کے دیگر علاقوں میں بھی کپڑے کے تھیلے تقسیم کیے جائیں گے۔

پیپلزپارٹی رہنما مرتضیٰ وہاب نے پلاسٹک تھیلیوں کے کارخانوں، دکانداروں سے تعاون کی اپیل کرتے ہوئے کہا ہے کہ بہتر مستقبل کے لیے سندھ حکومت کا ساتھ دیں۔

مزید پڑھیں: اسلام آباد میں پلاسٹک بیگز پر پابندی کے بعد متبادل بیگز کے سیمپل تیار

انہوں نے کہا کہ پلاسٹک تھیلیوں کا استعمال ممنوع ہے اس پر عملدرآمد کرانا چاہتے ہیں، کراچی کے 50 فیصد برساتی نالے پلاسٹک کی تھیلیوں کی وجہ سے چوک ہیں۔

وزیراعلیٰ سندھ سید مراد علی شاہ نے پلاسٹک بیگ سے انکار مہم کے لیے خصوصی پیغام بھی جاری کردیا ہے۔

واضح رہے کہ وفاقی حکومت نے اسلام آباد میں پلاسٹک بیگز پر پابندی کے بعد متبادل بیگز کے سیمپل تیار کرلیے ہیں، وزارت موسمیاتی تبدیلی کا کہنا تھا کہ 14 اگست کے بعد پلاسٹک بیگز استعمال کرنے والوں پر بھاری جرمانہ عائد کیا جائے گا۔

Comments

comments

یہ بھی پڑھیں