The news is by your side.

Advertisement

ائیر پورٹس پر سامان کی پلاسٹک ریپنگ کے ریٹس کم سے کم ہونی چاہیے، غلام سرور خان

کراچی : ائیر پورٹس پر مسافروں سے پلاسٹک ریپنگ کے سو روپے وصول کرنے پر وفاقی وزیر برائے ہوا بازی غلام سرور خان نے اظہار برہمی کرتے ہوئے ہدایت کی ہے کہ سامان کی پلاسٹک ریپنگ کے ریٹس کم سے کم ہونی چاہیے۔

تفصیلات کے مطابق وفاقی وزیر برائے ہوابازی غلام سرور خان نے ائیر پورٹس پر مسافروں سے پلاسٹک ریپنگ کے سو روپے وصول کرنے کا سختی سے نوٹس لیا ہے، وفاقی وزیر برائے ہوابازی نے اسلام آباد انٹرنیشنل ائیرپورٹ کا دورہ کیا۔

اس موقع پر ایئرپورٹ مینیجر طاہر سکندر نے وفاقی وزیر کو بریفنگ دی، وفاقی وزیر کو انٹیگریٹڈ بلڈنگ مینجمنٹ سسٹم کے بارے میں اور ایئر پورٹ پر موجود انسانی وسائل کے بارے میں آگاہی دی۔

اس کے علاوہ ایئرپورٹ پر موجود کار پارکنگ کے مسائل اور گرین چینل پر بھی تفصیلی بریفنگ دی گئی۔ وفاقی وزیر نے یونائیٹڈ ٹرانسپورٹ سسٹم اور ایئرپورٹ کی صفائی کے بارے میں بھی استفسار کیا۔

بعد ازاں وفاقی وزیر نے ایئرپورٹ پر موجود ٹراما سینٹر اور شفا فارمیسی کا بھی دورہ کیا، غلام سرور خان کا کہنا تھا کہ سامان کی پلاسٹک ریپنگ کے ریٹس کم سے کم ہونے چاہیئں۔

تمام ایئرپورٹس پر مساوی پلاسٹک ریپنگ پالیسی لاگو ہونی چاہیے اور پلاسٹک ریپنگ کے ریٹس نمایاں جگہ پر لگائے جائیں تاکہ تمام مسافر ان ریٹس کو باآسانی دیکھ سکیں۔

غلام سرور خان کا مزید کہنا تھا کہ اس سلسلے میں سول ایوی ایشن کی ایگزیکٹو کمیٹی اہم کردار کی حامل ہے۔ وفاقی وزیر نے ڈی جی سی اے اے کو ہدایت کی کہ تمام ایئرپورٹس پر مسافروں کے سامان کی ریپنگ پچاس روپے وصول کی جائے اور ایئرپورٹس پر مسافروں کو زیادہ سے زیادہ سہولت فراہم کی جائے۔

وفاقی وزیر برائے ہوا بازی نے کہا کہ وزیراعظم عمران خان کا ویژن ہے کہ تمام ایئرپورٹس بین الاقوامی معیار کے مطابق ہوں،آنے اور جانے والے مسافروں کو ایئرپورٹ پر زیادہ سے زیادہ سہولیات میسر ہوں۔

Comments

comments

یہ بھی پڑھیں