The news is by your side.

Advertisement

’اچھی پرفارمنس کیوں نہیں دے سکے‘؟ شان مسعود نے وجہ بیان کردی

’اچھی پرفارمنس کیوں نہیں دے سکے‘؟ شان مسعود نے وجہ بیان کردی

لاہور: قومی ٹیم کے ٹیسٹ اوپنر شان مسعود نے کہا ہے کہ مجھے 6 سال میں صرف 15 ٹیسٹ کھیلنے کو ملے، تسلسل سے مواقع نہ ملنے سے پرفارمنس اچھی نہیں رہی۔

تفصیلات کے مطابق قومی ٹیم کے ٹیسٹ اوپنر شان مسعود نے لاہور میں جاری پری سیزن کیمپ میں پریکٹس کے بعد میڈیا سے گفتگو کرتے ہوئے کہا کہ پہلی مرتبہ سیزن کے لیے اتنے قریب پری کنڈیشنگ کیمپ لگایا گیا، کیمپ میں کھلاڑیوں کی فزیکل فٹنس پر توجہ دی جارہی ہے۔

شان مسعود نے کہا کہ آج سے بیٹنگ اور بولنگ کی پریکٹس بھی شروع ہورہی ہے، ٹیسٹ ٹیم کی قیادت سے متعلق تمام باتیں میڈیا تک ہیں۔

مزید پڑھیں: مصباح الحق اور یونس خان کا خلا اب تک پُر نہیں کرسکے، اسد شفیق

اوپنر بلے باز نے کہا کہ اپنی اب تک کی کارکردگی سے مطمئن نہیں ہوں، پاکستان میں کرکٹ نہ ہونے سے کھلاڑیوں کو نقصان ہورہا ہے۔

شان مسعود نے کہا کہ سلیکشن کا پروسس میرے بس میں نہیں ہے، سلیکشن بورڈ کو کھلاڑی کو لمبا عرصہ دینا چاہئے، کھلاڑی کو چانس ملے تو اس کا کام پرفارم کرنا ہوتا ہے۔

انہوں نے کہا کہ ہماری ہوم سیریز کئی سال سے انگلینڈ میں ہورہی ہے، امید ہے کہ سری لنکن ٹیم ٹیسٹ سیریز پاکستان آکر کھیلے گی۔

Comments

comments

یہ بھی پڑھیں