لاہور:انارکلی گنپت روڈپرپلازہ میں لگنےوالی آگ پرقابوپالیاگیا -
The news is by your side.

Advertisement

لاہور:انارکلی گنپت روڈپرپلازہ میں لگنےوالی آگ پرقابوپالیاگیا

لاہور: لاہور کےکاروباری علاقے انار کلی میں شاپنگ پلازہ میں لگنے والی آگ پرقابوپالیاگیا۔آتشزدگی کے باعث 21دکانیں جل کرخاکستر ہوگئیں۔

تفصیلات کےمطابق لاہور کےمعروف کاروباری علاقے انارکلی میں شاپنگ پلازہ میں لگنے والی آگ نے دیکھتے ہی دیکھتےپلازہ کو اپنی لپیٹ میں لے لیا جس کے نتیجے میں 21 دکانیں جل گئیں۔

فائربریگیڈ اورضلعی انتظامیہ کی 10گاڑیایوں نے تقریباََ6 گھنٹےبعد آگ پر قابو پالیا۔متاثرہ پلازہ کےمالکان نےریسکیو اور فائربریگیڈ کےعملے پر بروقت کارروائی نہ کرنےکا الزام لگایا ہے۔

ریسکیو ذرائع کےمطابق گنپت روڈ گڈی بازار کے 4منزلہ پلازے میں رات 2 بجے کے قریب اچانک آگ بھڑک اٹھی،جس نےدیکھتے ہی دیکھتے ملحقہ عمارتوں کو بھی لپیٹ میں لےلیا۔

تنگ گلیوں اور دکانیں بند ہونے کی وجہ سے آگ پر قابو پانے میں مشکلات کا سامنا کرنا پڑاتاہم چھ گھنٹے بعد آک پرقابو پالیا جبکہ ابھی کولنگ کا عمل جاری ہے۔

ڈی او ریسکیو ڈاکٹر احمد رضا کا کہناہےکہ پلازہ میں دکانیں اور گودام ہیں جن میں سجاوٹ کا سامان موجودتھا۔انہوں نےکہاکہ داخلی وخارجی راستےنہ ہونے سےآگ بجھانے کےعمل میں مشکلات پیش آئیں۔


مزید پڑھیں:سیہون کےقریب ٹرین کی4بوگیوں میں آتشزدگی


دوسری جانب رات گئےخوشحال خان خٹک ایکسپریس کراچی سے پشاور جارہی تھی کہ سیہون کے علاقے لعل باغ کے قریب پہنچی تو اس کی 4بوگیوں میں آگ بھڑک اٹھی جس کےباعث 2افراد زخمی ہوگئے۔

واضح رہےکہ ریلوے حکام کےمطابق خوشحال خان خٹک کی بوگی میں آتشزدگی شاٹ سرکٹ کے باعث ہوئی تاہم اس میں کسی بھی قسم کے جانی نقصان کی اطلاعات نہیں ہیں۔

Comments

comments

یہ بھی پڑھیں