site
stats
انٹرٹینمںٹ

اے آروائی فلمز کی پیشکش’لاہورسے آگے‘ مدھر گیتوں پرمشتمل ہوگی

مدھر گیتوں پر مبنی اے آر وائی فلمز کے تحت آنے والی فلم ’لاہور سے آگے‘ بہت جلد سینما گھروں میں پیش کردی جائے گی۔

تفصیلات کے مطابق وجاہت رؤوف کی ہدایت کاری میں بننے والی فلم ’لاہور سے آگے‘ میں فلم انڈسٹری کے نمایاں فنکاروں نے اداکاری کے جوہر دکھائے ہیں۔

ویب سائٹ ’ہپ ان پاکستان‘ کو انٹرویو دیتے ہوئے اداکار یاسر حسین نے بتایا کہ فلم میں پانچ گانے شامل کیے گئے ہیں۔ ایک آئٹم سانگ بھی شامل ہے جسے صبا قمر اور یاسر حسین پر فلمایا گیا ہے۔ فلم میں صبا قمر کا کردار ایک راک اسٹار کا ہے، فلم کے گانے مختلف مقامات پر شامل کیے گئے ہیں۔

فلم میں ایک قبائلی ثقافتی گانا بھی ہے جو حسن رضوی پر عکس بند کیا گیا ہے۔ حسن رضوی اس فلم میں ایک مشہور مقامی ڈانسر کا کردار ادا کر رہے ہیں۔ فلم کی موسیقی شیراز اوپل نے ترتیب دی ہے۔

’لاہور سے آگے‘ وجاہت رؤوف کی پہلی فلم ’کراچی سے لاہور‘ کا دوسرا حصہ ہے۔ فلم میں یاسر حسین نے مرکزی کردار ادا کیا تھا جسے شائقین سے بے حد پذیرائی حاصل ہوئی۔ ’لاہور سے آگے‘ میں بھی وہ صبا قمر کے مقابل مرکزی کردار ادا کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top