The news is by your side.

Advertisement

نوازشریف نے جووعدے کئے وہ پورے کردیے،وزیراعظم

حویلیاں :وزیراعظم شاہدخاقان عباسی کا کہنا ہے کہ نوازشریف نے جووعدے کئے وہ پورے کردیے، جولائی میں جوفیصلہ عوام کریں گے وہی فیصلہ قبول کرنا ہے، 5سال تنقید کرنے والے باتوں پر ووٹ نہیں لے سکتے۔

تفصیلات کے مطابق حویلیاں میں وزیراعظم شاہد خاقان عباسی نے تقریب سے خطاب کرتے ہوئے کہا کہ پہلی حکومت ہے جس نے منصوبے شروع کیے اور مکمل بھی کیے، نوازشریف نے جووعدے کئے گئے وہ پورے کردیے۔

وزیراعظم کا کہنا تھا کہ موٹر وے منصوبے ملکی ترقی کے منصوبے ہیں، حویلیاں موٹروے چھوٹا منصوبہ نہیں ہے، نومبر تک موٹر وے مکمل ہوجائے گا، ماضی میں منصوبے کئی ادوار میں مکمل ہوتےتھے۔

شاہد خاقان عباسی نے کہا کہ آپ نے 2013میں جوفیصلہ کیا اس کے ثمرات پورے ملک کو مل رہے ہیں، بجلی،گیس یا کسی بھی شعبے کو دیکھیں ن لیگ نے ہر ایک کوترقی دی، یہ سب ترقی آپ کے ووٹ کی وجہ سےممکن ہوئی، ایک اورجمہوری حکومت بھی آئی لیکن کام نہ ہونے کے برابرتھا۔

ان کا کہنا تھا کہ ووٹ صرف خدمت اورترقی کی سیاست کوملیں گے، خدمت اورترقی کی سیاست صرف نوازشریف کی ہے، جولائی میں ن لیگ کے نمائندے پھر آئیں گے، فیصلہ آپ نے کرنا ہے، جوفیصلہ عوام کریں گے وہی فیصلہ قبول کرنا ہے۔

وزیراعظم نے کہا کہ ہم نے بہترین نگراں سیٹ اپ کی کوشش کی جس کا فیصلہ ہوگیا، امید کرتا ہوں عوام اپنے ضمیر کے مطابق بہتر فیصلہ کریں گے، 5 سال تنقید کرنے والے باتوں پر ووٹ نہیں لے سکتے۔

شاہد خاقان عباسی کا خطاب میں کہنا تھا کہ وہ وقت دورنہیں جب موٹروے سے اترے بغیر خنجراب سے گوادر تک سفر کریں گے، پشاور سے کراچی کا سفراب دنوں میں نہیں گھنٹوں میں طے ہوگا۔

وزیر اعظم نے مخالفین کو آڑے ہاتھوں لیتے ہوئے کہا سو دن کے منصوبے کی باتیں کرنے والوں نے پانچ سال میں دھرنےکے سوا کچھ نہیں کیا، صرف ن لیگ کے دور میں ہی پاکستان میں ترقی ہوتی ہے، پشاورمیں بیٹھ کر ہزارہ کے مسائل حل نہیں ہوسکتے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں