سان یا: وزیراعظم شاہد خاقان عباسی اور چین کے صدر شی جن پنگ نے ایک خطہ ایک شاہراہ منصوبے کے ذریعے پاک چین تعلقات کو نئی بلندیوں تک لے جانے کے عزم کا اعادہ کیا ہے۔
تفصیلات کے مطابق آج وزیراعظم شاہدخاقان اورچینی صدرشی چن پنگ کی ملاقات ہوئی، جس میں دوطرفہ تعلقات کو فروغ دینے کیے لئے تمام امورپرتفصیلی تبادلہ خیال کیا گیا.
[bs-quote quote=”پاکستان خطے میں امن واستحکام کی علامت ہے، چین پاکستان کی خودمختاری، علاقائی سالمیت کی حمایت جاری رکھے گا” style=”style-2″ align=”left” author_name=”چینی صدر”][/bs-quote]
اس موقع پر وزیر اعظم پاکستان نے کہا کہ دونوں ملکوں کی دوستی ہر گزرتے دن کے ساتھ مضبوط ہورہی ہے، ایشیا کی ترقی و استحکام کے لئے چینی صدر کا کردار قابل ستائش ہے۔ عالمی امن و سلامتی میں چین کے کردار کو سراہتے ہوئے وزیراعظم نے کہا کہ پاکستان عالمی امور میں چین کے ساتھ تعاون مضبوط بنانے کا خواہش مند ہے.
انھوں نے کہا کہ پاکستان اور چین آئرن برادرز ہیں، چینی صدر کے ون بیلٹ ون روڈ ویژن کے متعرف ہیں، پاکستان میں سی پیک منصوبوں پرکامیابی سے عمل درآمد ہورہا ہے.
اس موقع پر چینی صدر شی چن پنگ نے کہا کہ پاکستان خطے میں امن واستحکام کی علامت ہے، چین پاکستان کی خودمختاری، علاقائی سالمیت کی حمایت جاری رکھے گا.صدرشی جن پنگ نے کہا کہ چین پاکستان کے ساتھ اپنے تعلقات کو نئی بلندیوں تک لے جانا چاہتا ہے.
ملاقات میں وزیراعظم شاہد خاقان نے چینی صدرکو مقبوضہ کشمیرمیں بھارتی مظالم سے آگاہ کیا اور باہمی دلچسپی کے شعبوں میں تعاون کو مزید بڑھانے پر اتفاق کیا گیا.
وزیراعظم کی شی چن پنگ کوچین کا دوبارہ صدرمنتخب ہونے پرمبارک باد دی، ملاقات میں وزیرخارجہ خواجہ آصف اور وزیرداخلہ احسن اقبال موجود تھے.
وزیراعظم نے کہا کہ پاکستان چین کا گہرا دوست ہے اور چین پاکستان اقتصادی راہداری سے یہ دوستی مزید مستحکم ہوئی ہے۔
جنرل سیکریٹری اقوام متحدہ کشمیر میں بھارتی مظالم دنیا کے سامنے لانے میں کردار ادا کریں: وزیر اعظم
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
