The news is by your side.

Advertisement

وزیراعظم شاہد خاقان عباسی کی زیرصدارت وفاقی کابینہ کا اجلاس ختم

اسلام آباد : وزیراعظم شاہد خاقان عباسی کی زیرصدارت وفاقی کابینہ کے اجلاس میں فاٹا اصلاحات بل سمیت اہم امور پرتبادلہ خیال کیا گیا۔

تفصیلات کے مطابق وزیراعظم شاہد خاقان عباسی کی زیرصدارت وفاقی کابینہ کا اجلاس ہوا جس میں میں ملکی سلامتی اور معاشی صورت حال سمیت گیارہ نکاتی ایجنڈے پرغور کیا گیا۔

ذرائع کے مطابق اجلاس کے دوران سرکاری اداروں میں حکام کے تقرر اور مختلف ملکوں کے ساتھ معاہدوں کی منظوری پر بھی غور کیا گیا۔

احسن اقبال صحت یابی کےبعد وفاقی کابینہ کے اجلاس میں شریک ہوئے، کابینہ کے اراکین نے گرمجوشی سے ان کا استقبال کیا۔

وفاقی وزیرداخلہ نے کابینہ کے ارکان کی جانب سے دعاؤں اور نیک خواہشات کے اظہار پرشکریہ ادا کیا۔

وزیر داخلہ احسن اقبال پر قاتلانہ حملہ

خیال رہے کہ رواں ماہ 6 مئی کو وزیرداخلہ احسن اقبال پرنارووال میں اس وقت قاتلانہ حملہ کیا گیا تھا جب وہ کانرمیٹنگ سے روانہ ہورہے تھے۔

سیکیورٹی اہلکاروں نے احسن اقبال پر گولی چلانے والے ملزم عابد حسین کو موقع سے ہی گرفتار کرلیا تھا جبکہ وزیرداخلہ کو فوری طبی امداد کے لیے ڈی ایچ کیو اسپتال منتقل کردیا تھا۔

وزیر داخلہ احسن اقبال صحت یاب، اسپتال سے ڈسچارج

بعدازاں وزیرداخلہ کو ہیلی کاپٹر کے ذریعے نارووال سے لاہورمنتقل کیا گیا تھا جہاں اسپتال میں ان کے آپریشنز کیے گئے تھے اور 3 روز قبل ہی انہیں اسپتال سے ڈسچارج کرکے گھرمنتقل کردیا گیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں