The news is by your side.

Advertisement

کشمیریوں کی جدوجہد کوظلم سے دبایا نہیں جاسکتا‘ وزیراعظم

اسلام آباد : وزیراعظم شاہد خاقان عباسی نے مقبوضہ کشمیر میں بھارتی مظالم کی مذمت کرتے ہوئے کہا ہے کہ کشمیریوں کی جدوجہد کوظلم سے دبایا نہیں جاسکتا۔

تفصیلات کے مطابق وزیراعظم شاہد خاقان عباسی نے مقبوضہ کشمیر میں بھارتی ریاستی دہشت گردی کی مذمت کرتے ہوئے کہا ہے کہ کشمیریوں کی آزادی کی جدوجہد کو دہشت گردی سے نہیں جوڑا جاسکتا۔

وزیراعظم پاکستان نے کہا کہ بھارتی کوششیں کشمیریوں کوحق خودارادیت کی جدوجہد سے نہیں روک سکتیں، کشمیریوں کی جدوجہد کوظلم سے دبایا نہیں جاسکتا۔

وزیراعظم شاہد خاقان عباسی نے کہا کہ اقوام متحدہ کے سیکریٹری جنرل کشمیر کے لیے خصوصی نمائندہ مقررکریں جبکہ بھارت یواین فیکٹ فائنڈنگ مشن کو مقبوضہ وادی جانے کی اجازت دے۔

مقبوضہ کشمیرمیں بھارتی فوج کی فائرنگ‘ 20 نوجوان شہید

خیال رہے کہ 24 گھنٹوں کے دوران مقبوضہ کشمیر کے ضلع اسلام آباد اور شوپیاں میں غاضب بھارتی فورسز نے سرچ آپریشن کے دوران 16 کشمیری نوجوانوں جبکہ 4 نوجوانوں کو نماز جنازہ کے دوران فائرنگ کرکے شہید کیا گیا۔

بھارتی فوج کی کارروائیوں میں 300 سے زائد افراد زخمی ہوگئے جن میں سے بیشترکی حالت تشویش ناک بتائی جا رہی ہے جبکہ اس دوران 4 رہائشی مکانات کو بھی تباہ کردیا گیا ہے۔

واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں