The news is by your side.

Advertisement

وزیراعظم شاہد خاقان نے وائٹ آئل پائپ لائن منصوبے کا سنگِ بنیاد رکھ دیا

کراچی: وزیراعظم پاکستان شاہد خاقان عباسی نے وائٹ آئل پائپ لائن منصوبے کا سنگِ بنیاد رکھتے ہوئے کہا ہے کہ یہ ایک حساس نوعیت کا منصوبہ ہے ‘ اس سے تیل کی قیمتوں میں کمی واقع ہوگی۔

تفصیلات کے مطابق وزیراعظم شاہد خاقان دو روزہ دورے پر کراچی میں موجود ہیں‘ پورٹ قاسم پر انہوں نے وائٹ پائپ لائن منصوبے کا سنگِ بنیاد رکھا‘ اس موقع پر وزیراعلیٰ سندھ مراد علی شاہ بھی ان کے ہمراہ موجود تھے۔

یہ منصوبہ 2019 میں مکمل ہوگا اور اس کی لاگت کا تخمینہ 13کروڑ 40لاکھ ڈالر ہے۔ منصوبےسےپیٹرولیم مصنوعات کی بذریعہ سڑک ترسیل میں کمی آئےگی جس سے حادثات پر قابو پانے میں مدد ملے گی۔ یہ پائپ لائن ڈیزل کےساتھ پیٹرول لےجانےکی بھی صلاحیت کی حامل ہوگی اور اس کے ذریعے سے2لاکھ55ہزارٹن پیٹرول ،ڈیزل ذخیرہ کرنےکی صلاحیت حاصل ہوگی۔

پورٹ قاسم پر اس حوالے سے منعقدہ تقریب سے خطاب کرتے ہوئے وزیر اعظم کا کہنا تھا کہ 15 ارب روپے کی لاگت سے تیار ہونے والا یہ منصوبہ 20 ماہ میں مکمل ہوگا اور اس سے پٹرولیم مصنوعات کی قیمتوں میں ایک سے دوروپے فی لیٹر کمی آئے گی۔

انہوں نے کہا کہ یہ ایک حساس نوعیت کا منصوبہ ہے اور پاکستان کی توانائی سلامتی سےمتعلق انتہائی اہمیت کاحامل ہے‘ وزیراعظم کا کہناتھا کہ پٹرولیم مصنوعات کےمعیارکوبھی بہتربنارہےہیں۔

وزیراعظم نےکہا کہ اس وقت ملک میں 10ہزارسےزائدٹینکرزتیل کےمواصلاتی نظام کاحصہ ہیں۔ ٹرانسپورٹرزکےکاروبارکاخیال رکھاہے، انہیں نقصان نہیں پہنچےگا۔ ان کا یہ بھی کہنا تھا کہ ٹینکرزکی بڑی تعدادنظام میں ہونےسے ہر وقت حادثات کاخطرہ درپیش رہتاہے ۔بہاولپورکےقریب ہونےوالاحادثہ اس کی المناک مثال ہے۔

Print Friendly, PDF & Email

Comments

comments

یہ بھی پڑھیں