حکومت کوشش کررہی ہے ملک کی معیشت مضبوط ہو، وزیر اعظم pm abbasi
The news is by your side.

Advertisement

ملکی معیشت مضبوط کرنے کی کوشش کررہے ہیں، وزیر اعظم

اسلام آباد: وزیر اعظم شاہد خاقان عباسی نے کہا ہے کہ بجلی، گیس منصوبوں کی لمبی فہرست ہے جو ن لیگ نے مکمل کئے، حکومت کوشش کررہی ہے کہ ملک کی معیشت مضبوط ہو۔

ان خیالات کا اظہار انہوں نے میرابیگوال میں پولی ٹیکنیکل ٹریننگ انسٹیٹیوٹ کی افتتاحی تقریب سے خطاب کرتے ہوئے کیا، شاہد خاقان عباسی نے کہا کہ پولی ٹیکنیکل انسٹیٹیوٹ علاقے کی ترقی میں سنگ میل ثابت ہوگا۔

انہوں نے کہا کہ بیماریوں کی تشخص، علاج سے متعلق این آئی ایچ کا اہم کردار ہے، ملک بھر میں ہیلتھ پالیسی کا یکساں نفاذ بنیادی اہمیت کا حامل ہے، قومی ادارہ صحت کی معیاری سہولیات فراہم کررہا ہے، صحت عامہ کی بنیادی سہولیات کی فراہمی ریاست کی ذمہ داری ہے۔

وزیر اعظم شاہد خاقان عباسی نے کہا کہ الیکشن قریب ہیں اب فیصلہ آپ کے ہاتھ میں دوبارہ آگیا ہے، پوری امید ہے کہ انشا اللہ آپ کا فیصلہ بہتر ہوگا۔

واضح رہے کہ شاہد خاقان عباسی کا کہنا تھا کہ تمام مشکلات کے باوجود حکومت نے بہت سے ترقیاتی کام کئے، صرف جمہوری طریقے سے آنے والی حکومت ہی مسائل کا حل نکال سکتی ہے۔

ان کا کہنا تھا کہ موجودہ حالات میں فیصلے کرنے بہت مشکل ہوگئے ہیں، ملک میں جمہوری حکومت نہ ہوتی تو اتنی ترقی نہ ہوتی، سال میں بجلی کے متعدد منصوبے لگائے گئے ہیں، ملکی ترقی کے لیے جمہوری نظام کا تسلسل ناگزیر ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں