The news is by your side.

Advertisement

وزیر اعظم شاہد خاقان عباسی کی کرنل سہیل عابد شہید کے گھر آمد، لواحقین سے تعزیت

اسلام آباد: وزیر اعظم شاہد خاقان عباسی کی کرنل سہیل عابد شہید کے گھر گئے، وزیر اعظم نے سہیل عابد شہید کے اہل خانہ سے تعزیت کی۔

تفصیلات کے مطابق وزیر اعظم شاہد خاقان عباسی نے کہا کہ سہیل عابد شہید جیسے بہادر بیٹے قوم کے لیے باعث فخر ہیں، کرنل سہیل عابد کا نام بہادر سپوتوں کے ساتھ سنہرے حروف میں لکھا جائے گا۔

وزیر اعظم نے کہا کہ دہشت گردوں کے خاتمے کے لیے پاک فوج کی قربانیاں لازوال ہیں، ملک کو دہشت گردی سے پاک کرنے میں افواج کی تاریخ لازوال قربانیوں سے عبارت ہے۔

مزید پڑھیں: بلوچستان میں کارروائی: دو خودکش بمبار سمیت 3دہشت گرد ہلاک، ایک کرنل شہید

واضح رہے کہ چند روز قبل سیکیورٹی فورسز نے بلوچستان میں بڑی کارروائی کرتے ہوئے سو سے زائد افراد کے قتل میں ملوث دہشت گرد اور دو خودکش بمباروں کو ہلاک کیا تھا، دہشت گردوں سے مقابلے میں ملٹری انٹیلی جنس کے کرنل سہیل عابد شہید ہوگئے تھے۔

مزید پڑھیں: کرنل سہیل عابد کی فوجی اعزاز کے ساتھ تدفین، آرمی چیف کا اظہار رنجیدگی

کرنل سہیل عابد شہید کو فوجی اعزاز کے ساتھ سپرد خاک کردیا گیا تھا، آرمی چیف جنرل قمر جاوید باجوہ کا کہنا تھا کہ جب بھی میرا کوئی سپاہی شہید ہوتا ہے تو ایسا لگتا ہے جسم کا کوئی حصہ جدا ہوگیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں