ٹانگیں کھینچنے کی کوشش کرتے رہو، ہم آگے بڑھ جائینگے، وزیراعظم -
The news is by your side.

Advertisement

ٹانگیں کھینچنے کی کوشش کرتے رہو، ہم آگے بڑھ جائینگے، وزیراعظم

کوٹلی: وزیر اعظم محمد نواز شریف نے کہا ہے کہ الیکشن ہوا، نتیجہ قوم کے سامنے آگیا اسے تسلیم کرنا چاہیے۔

کوٹلی آزاد کشمیرمیں گل پور پن بجلی گھر منصوبے کا سنگِ بنیاد رکھنے کی تقریب سے خطاب کرتے ہوئے وزیراعظم کا کہنا تھا کہ میچور سیاستدان بننے کے لئے میچورٹی دکھانی ضروری ہے، الیکشن ہوا، نتیجہ قوم کے سامنے آگیا ہے تو اسے تسلیم کرلینا چاہیے۔

انھوں نے کہا کہ پن بجلی کے شاندار منصوبے کے آغاز پر بے حد خوشی ہے، منصوبے پر 33 فیصد کام مکمل ہوچکا ہے اور منصوبہ آئندہ 4 سال میں مکمل ہوجائے گا۔

تحریک انصاف کی قیادت پر تنقید کرتے ہوئے وزیراعظم کا کہنا تھا کہ ٹانگیں کھینچنے کی کوشش کرتے رہو، ہم آگے بڑھ جائینگے۔

وزیراعظم نوازشریف نے کہا دیکھنا چاہیے کہ کون تعمیری سیاست کر رہا ہے اور کون ترقی کے راستے کو روک رہا ہے.

وزیراعظم نے یقین دہانی کرائی کہ دو ہزار سترہ کے آخر تک لوڈشیڈنگ کا مکمل خاتمہ کردینگے.

Comments

comments

یہ بھی پڑھیں