The news is by your side.

Advertisement

نوازشریف کی رخصتی کے بعد تحریک آزادیِ کشمیر عروج پر ہوگی، سردارعتیق

میرپور: سابق وزیراعظم آزاد کشمیر سردار عتیق نے کہا ہے کہ نواز شریف نے ہمیشہ شہداءِ کشمیر کے لہو سے غداری کی، نوازشریف کی رخصتی کے بعد تحریکِ آزادی کشمیر عروج پر پہنچ جائے گی۔

لائن آف کنٹرول کے قریب سماھنی میں خطاب کرتے ہوئے سردار عتیق نے کہا کہ جے آئی ٹی کو متنازع بنانے والے خود متنازع بنتے جارہے ہیں، شریف برادران بدترین انجام سے دوچار ہورہے ہیں۔

انہوں نے کہا کہ نوازشریف فوج اور عدلیہ کے بغیر پاکستان چلانا چاہتے ہیں مگر ایسا ممکن نہیں کیونکہ غیور پاکستانی اور کشمیری افواج پاکستان اور عدلیہ پر کوئی آنچ نہیں آنے دیں گے۔

پڑھیں: نوازشریف کی ممکنہ نااہلی،کلثوم نوازکووزیراعظم بنانےکی تجویز، ذرائع

سردار عتیق نے کہا کہ نوازشریف نے ہمیشہ شہداء کشمیر کے لہو سے غداری کی، نئی سیاسی صورتحال کے بعد جیسے ہی وزیراعظم کی رخصتی ہوگی تحریکِ آزادی کشمیر خود بہ خود عروج پر پہنچ جائے گی۔

مزید پڑھیں: سپریم کورٹ وزیراعظم ہاؤس خالی کراسکتی ہے، شیخ رشید

یاد رہے پاناما لیکس کی تحقیقات کرنے والی جوائنٹ انوسٹی گیشن ٹیم کی رپورٹ منظر عام پر آنے کے بعد ملک کی سیاسی و مذہبی جماعتیں نوازشریف سے مستعفیٰ ہونے کا مطالبہ کررہی ہیں جبکہ ن لیگ نے جے آئی ٹی رپورٹ کو سپریم کورٹ میں چیلنج کرنے کا فیصلہ کیا ہے۔

Print Friendly, PDF & Email

Comments

comments

یہ بھی پڑھیں