جمعرات, فروری 6, 2025
اشتہار

وزیراعظم کی روضۂ رسولﷺ پر حاضری، عشاء کی نماز اور نوافل ادا کیے

اشتہار

حیرت انگیز

مدینہ منورہ: وزیراعظم محمد شہباز شریف نے اپنے دورہ سعودی عرب کے دوران مسجد نبوی صلی اللہ علیہ وآلہ وسلم میں عشاء کی نماز اور نوافل کی ادائیگی کی۔

تفصیلات کے مطابق وزیراعظم شہباز شریف نے روضۂ رسولﷺ پر حاضری دی، جہاں امت مسلمہ اور ملک و قوم کی ترقی و خوشحالی کیلئے خصوصی دعا کی، انہوں نے فلسطین اور مقبوضہ کشمیر کے مظلوم مسلمانوں کے حق میں بھی خصوصی دعا مانگی۔

وزیراعلیٰ پنجاب مریم نواز نے بھی روضۂ رسولﷺ پر حاضری دی اور سلام پیش کیا، اس موقع پر مریم نواز نے ملک کی ترقی وخوشحالی، فلسطین، کشمیر، سوڈان اور عالم اسلام کیلئے دعائیں کیں۔

اس سے پہلے وزیراعظم شہباز شریف مدینہ منورہ پہنچے تو گورنر شہزادہ سلمان بن سلطان نے ان کا استقبال کیا، وزیراعلیٰ پنجاب مریم نواز، وزیرخارجہ اسحاق ڈار، وزیرخزانہ محمد اورنگزیب، وزیر دفاع خواجہ محمد آصف بھی وزیراعظم کے ساتھ ہیں۔

وزیراعظم کمرشل فلائٹ کے ذریعے سعودی عرب پہنچے ہیں، وزیر اعظم دوران پرواز مسافروں سے گھل مل گئے، بچوں کے سر پر ہاتھ رکھا، حال احوال پوچھا جبکہ مسافروں نے وزیر اعظم کے ساتھ سیلفیاں بنائیں۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں