وزیر اعظم کا کہوٹہ میں یونیورسٹی بنانے کا اعلان -
The news is by your side.

Advertisement

وزیر اعظم کا کہوٹہ میں یونیورسٹی بنانے کا اعلان

راولپنڈی: وزیر اعظم شاہد خاقان عباسی نے کہوٹہ میں یونیورسٹی بنانے کا اعلان کرتے ہوئے کہا ہے کہ یونیورسٹی پر کام آئندہ 3 مہینے میں شروع ہوجائے گا۔

تفصیلات کے مطابق وزیر اعظم شاہد خاقان عباسی نے کہوٹہ میں عوامی اجتماع سے خطاب کرتے ہوئے کہا کہ نواز شریف نے 4 سال ملک کی خدمت کی، ہم نے سلسلہ آگے بڑھایا۔

وزیر اعظم کا کہنا تھا کہ تعلیم کے بغیر ملک ترقی نہیں کرسکتا۔ انہوں نے کہوٹہ میں یونیورسٹی بنانے کا اعلان کرتے ہوئے کہا کہ یونیورسٹی پر کام آئندہ 3 مہینے میں شروع ہوجائے گا۔

وزیر اعظم نے کہوٹہ میں لڑکے لڑکیوں کے اسکول کو ہائیر سیکنڈری بنانے کا بھی اعلان کیا۔ انہوں نے اعلان کیا کہ کہوٹہ میں موجود اسپتال کو مزید فنڈز دیں گے تاکہ صحت کی سہولتیں بڑھیں۔ علاوہ ازیں کہوٹہ کے عوام کے لیے ہیلتھ کارڈ کا بھی اعلان کیا۔

شاہد خاقان عباسی کا کہنا تھا کہ گیس کو ہر گاؤں اور ہر قصبے تک پہنچایا جائے گا۔ کہوٹہ میں کھیل کے فروغ کے لیے اسٹیڈیم کا بندوبست کردیا گیا ہے۔ ’شہباز شریف کا مشکور ہوں جنہوں نے سڑکوں کے لیے فنڈز جاری کیے‘۔

وزیر اعظم کا کہنا تھا کہ معیشت ترقی کر رہی ہے، ملک ترقی کر رہا ہے۔ کہوٹہ کی ہر کونسل میں کھیل کا میدان بنایا جائے گا۔

انہوں نے مزید کہا کہ ملکی معیشت مضبوط ہونے سے نوجوانوں کو روزگار ملے گا۔ ’ہم کوئی احسان نہیں کر رہے، عوام کو ان کا حق دے رہے ہیں‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں