The news is by your side.

Advertisement

وزیراعظم نے آج کی عید کو مختلف قرار دے دیا

مری: وزیراعظم عمران خان بھی روایتی عید کو مس کرنے لگے، کہا کہ دو وجوہات کی بنا پر آج کی عید بہت مختلف ہے۔

تفصیلات کے مطابق سماجی رابطے کی ویب سائٹ ٹوئٹر پر جاری اپنے سلسلہ وار ٹوئٹ میں وزیراعظم نے امت مسلمہ کو عیدمبارک کا پیغام دیا اور کہا کہ دو اہم وجوہات کےباعث آج کی عید بہت مختلف ہے، اس عید کو دو وجوہات کی بنا پر اپنےکنبے کے ساتھ منانا چاہئے

پہلی وجہ بیان کرتے ہوئے وزیر اعظم عمران خان نے کہا کہ کرونا وباء پاکستان میں جس کے پھیلاؤ پر ہم نے دوبارہ قابو پانا شروع کردیا ہے چنانچہ لازم ہےکہ ہم احتیاطی تدابیر کو بطورِخاص ملحوظ خاطر رکھیں۔

اپنے ٹوئٹ میں وزیراعظم نے کہا کہ دوم یہ بھی اتنا ہی اہم ہے کہ ہم ان اہلِ کشمیر و فلسطین کے ساتھ یکجہتی کا اظہار کریں جنہیں قابض قوتوں کے ہاتھوں بین الاقوامی طور پر تسلیم شدہ اپنے بنیادی حقوق کی صریح پامالی کے ساتھ پیہم جبر و بربریت کا سامنا ہے۔

Comments

یہ بھی پڑھیں