مری: وزیراعظم عمران خان بھی روایتی عید کو مس کرنے لگے، کہا کہ دو وجوہات کی بنا پر آج کی عید بہت مختلف ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے سلسلہ وار ٹوئٹ میں وزیراعظم نے امت مسلمہ کو عیدمبارک کا پیغام دیا اور کہا کہ دو اہم وجوہات کےباعث آج کی عید بہت مختلف ہے، اس عید کو دو وجوہات کی بنا پر اپنےکنبے کے ساتھ منانا چاہئے
پہلی وجہ بیان کرتے ہوئے وزیر اعظم عمران خان نے کہا کہ کرونا وباء پاکستان میں جس کے پھیلاؤ پر ہم نے دوبارہ قابو پانا شروع کردیا ہے چنانچہ لازم ہےکہ ہم احتیاطی تدابیر کو بطورِخاص ملحوظ خاطر رکھیں۔
Eid Mubarak to our Muslim Ummah. This is a very different Eid which we must celebrate in a quiet manner with our families, for 2 imp reasons. One: there is the Corona pandemic. In Pak we are now again beginning to control the spread so it is vital for our ppl to observe SOPs.
— Imran Khan (@ImranKhanPTI) May 13, 2021
اپنے ٹوئٹ میں وزیراعظم نے کہا کہ دوم یہ بھی اتنا ہی اہم ہے کہ ہم ان اہلِ کشمیر و فلسطین کے ساتھ یکجہتی کا اظہار کریں جنہیں قابض قوتوں کے ہاتھوں بین الاقوامی طور پر تسلیم شدہ اپنے بنیادی حقوق کی صریح پامالی کے ساتھ پیہم جبر و بربریت کا سامنا ہے۔
Two, equally critical is the need for us all to show solidarity with the Kashmiris & Palestinians who are suffering oppression by Occupation Powers in complete violation of their international guaranteed basic human rights.
— Imran Khan (@ImranKhanPTI) May 13, 2021
