وزیراعظم آزاد کشمیر کے ہیلی کاپٹر پر فائرنگ، قومی اسمبلی میں مذمتی قرارداد منظور -
The news is by your side.

Advertisement

وزیراعظم آزاد کشمیر کے ہیلی کاپٹر پر فائرنگ، قومی اسمبلی میں مذمتی قرارداد منظور

اسلام آباد : وزیراعظم آزاد کشمیر کے ہیلی کاپٹر پر بھارتی فائرنگ کے خلاف قومی اسمبلی میں شہباز شریف کی قرارداد متفقہ طور پر منظور کرلی گئی۔ ایاز صادق نے بھارتی سفیر کو طلب کرکے سرزنش کا مطالبہ کیا۔

تفصیلات کے مطابق قومی اسمبلی کا اجلاس اسد قیصر کی زیر صدارت ہوا، اجلاس میں ن لیگی رہنما سردار ایاز صادق نے وزیر اعظم آزاد کشمیر راجا فاروق حیدر کے ہیلی کاپٹر پر بھارتی فوج کی جانب سے فائرنگ کے واقعہ پر مذمتی قرارداد پیش کرنے کی تجویز دی۔

ان کا کہنا تھا کہ بھارت پہلے بارڈر پر فائرنگ کر کے شور مچاتا تھا اور اب سول ہیلی کاپٹر پر فائرنگ کی گئی جو انتہائی قابل مذمت ہے، بھارت میں جب بھی الیکشن قریب آتے ہیں تو ایسے ہی واقعات رونما ہوتے ہیں,انہوں نے مطالبہ کیا کہ بھارتی سفیر کو دفتر خارجہ طلب کرکے واقعے پر سرزنش کی جائے۔

وزیر مملکت علی محمد خان کا کہنا تھا کہ بھارت مسلسل سیز فائر کی بھی خلاف ورزیاں کررہا ہے، نہتے کشمیریوں پر مظالم ڈھارہا ہے عالمی برادری نوٹس لے۔

مزید پڑھیں: لائن آف کنٹرول، وزیراعظم آزاد کشمیر کے ہیلی کاپٹر پر بھارتی فوج کی فائرنگ

بعد ازاں قومی اسمبلی میں اپوزیشن لیڈر میاں شہباز شریف نے مذمتی قرار داد پیش کی جسے متفقہ طور پر منظور کرلیا گیا, اپوزیشن لیڈر کی جانب سے پیش کردہ قرار داد میں کہا گیا کہ ہیلی کاپٹر پر فائرنگ مقبوضہ کشمیر میں جاری ریاستی جارحیت کا نمونہ ہے اور عالمی قوانین کی بھی خلاف ورزی ہے، یہ ایوان اس جارحیت کی سختی سے مذمت کرتا ہے۔

Comments

comments

یہ بھی پڑھیں