The news is by your side.

Advertisement

حکومت بڑے دل کا مظاہرہ کرے، چوہدری شجاعت کی وزیراعظم سے اپیل

لاہور : مسلم لیگ ق کے سربراہ چوہدری شجاعت حسین نے حکومت سے اپیل کی ہے کہ نواز شریف کے جانے کو گورکھ دھندے میں نہ الجھایا جائے اور انہیں علاج کے لیے بیرونِ ملک جانے دیا جائے۔

تفصیلات کے مطابق سابق وزیر اعظم پاکستان چوہدری شجاعت حسین نے کہا ہے کہ انسانی ہمدردی کی بنیاد پر نواز شریف کا فیصلہ کیا جائے۔

سربراہ مسلم لیگ ق کا کہنا تھا کہ خدانخواستہ سابق وزیر اعظم نواز شریف کو کچھ ہوگیا تو سیاست مزید تلخ ہوجائے گی۔

انہوں نے کہا کہ ایسا کوئی اقدام نہ کیا جائے جس کا بعد میں ازالہ نہ ہوسکے، نواز شریف کے جانے کو گورکھ دھندے میں نہ الجھایا جائے۔

چوہدری شجاعت حسین نے مزید کہا کہ کسی کی بیماری پر سیاست نہیں کرنی چاہیے، وزیر اعظم پاکستان اور کابینہ بڑے دل کا مظاہرہ کریں۔

دوسری جانب مسلم لیگ کی ترجمان مریم اورنگزیب نے مؤقف اختیار کیا ہے کہ نوازشریف کی طبیعت ٹحیک نہیں، اُن کی علالت سے متعلق ڈاکٹرز کی تشویش مزید بڑھ رہی ہے۔

نواز شریف کو بیرون ملک کیسے لے کر جایا جائے؟ ن لیگ تذبذب کا شکار

ذرائع کا کہنا ہے کہ نواز شریف کے لیے بدھ کو کمرشل فلائٹ قطر ایئر کی کیو آر 629 میں بھی ٹکٹ بک کرلی گئی ہے، نواز شریف کے ساتھ شہباز شریف اور ڈاکٹر عدنان کی بھی ٹکٹیں بک ہیں۔

ذرائع کے مطابق کمرشل فلائٹ کے نئے ٹکٹ کے تحت نواز شریف کی واپسی 27 نومبر کو ہوگی۔

Comments

comments

یہ بھی پڑھیں