وزیراعظم کی زیرصدارت اجلاس میں قومی سلامتی سے متعلق اہم فیصلے -
The news is by your side.

Advertisement

وزیراعظم کی زیرصدارت اجلاس میں قومی سلامتی سے متعلق اہم فیصلے

اسلام آباد : وزیر اعظم نواز شریف کی زیرصدارت قومی سلامتی اور کراچی کے حوالے سے ایک اہم بین الاصوبائی اجلاس جاری ہے۔

وزیراعظم نوازشریف کی زیر صدارت اعلیٰ سطح کے اجلاس میں دہشتگردی کے خاتمے کے لئے نیشنل ایکشن پلان پر عملدرآمد یقینی بنانے کا فیصلہ کیا گیا ہے، تمام متعلقہ اداروں کے درمیان روابط کو بھی مضبوط کیا جائے گا ۔

اس کے علاوہ اجلاس میں دہشتگردی کے خلاف حکمت عملی اور اُس پر عمل درآمد تیز کرنے کے امور پربھی غورکیا گیا جب کہ صوبوں سے متعلقہ اموراور بعض رکاوٹوں کے بارے میں امور بھی زیر غور آئے۔

اجلاس میں فاٹا ریفامز کی سفارشات پر مبنی رپورٹ بھی منظوری کےلئے پیش کی گئی جسے قومی عسکری اور سیاسی قیادت نے متفقہ طور پر قبول کر کے ہرقیمت پر ملکی سالمیت اور مفادات کے تحفظ کا اعادہ بھی کیا۔

واضح رہے اجلاس میں چیف آف آرمی اسٹاف راحیل شریف سمیت وفاقی وزراء چوہدری نثارعلی خان،اسحاق ڈار ، قومی سلامتی کے مشیر ناصر جنجوعہ، ڈی جی آئی ایس آئی لیفٹننٹ جنرل رضوان اختر، ڈی جی آئی بی آفتاب سلطان، ڈی جی ایم اوسمیت چاروں صوبوں کے نمائندگان شریک ہیں۔

اسی سے متعلق : کراچی: ایم کیو ایم کارکنان کا اے آر وائی نیوز کے دفتر پر حملہ

وزیراعظم کی زیر صدارت جاری اجلاس کراچی میں ہونے والے بد امنی ،قائد ایم کیو ایم کے پاکستان مخالف بیانات سمیت نیشنل ایکشن پلان پرعملدرآمد پر پیشرفت کا جائزہ لیا جارہا ہے۔

واضح رہے پیر کے روز قائد متحدہ قومی موومنٹ کے پاکستان مخالف بیانات اور میڈیا ہاؤسز پر حملے کے بعد کراچی میں امن عامہ کی صورت حال بگڑ گئی تھی۔

Comments

comments

یہ بھی پڑھیں