The news is by your side.

Advertisement

وزیر اعظم کی پنشنرز کو ہر ممکنہ سہولت دینے کی ہدایت

اسلام آباد: وزیر اعظم عمران خان نے ایمپلائز اولڈ ایج بینی فٹس انسٹیٹیوشن (ای او بی آئی)انتظامیہ کو پنشنرز کو ہر ممکنہ سہولت دینے کی ہدایت کردی۔

تفصیلات کے مطابق وزیر اعظم عمران خان کی زیر صدارت ایمپلائز اولڈ ایج بینی فٹس انسٹیٹیوشن (ای او بی آئی) حکام کا اہم اجلاس منعقد ہوا۔ اجلاس میں معاون خصوصی زلفی بخاری اور ای او بی آئی حکام شریک ہوئے۔

اجلاس میں اولڈ ایج ایمپلائز سے متعلق درپیش مسائل کا جائزہ لیا جا رہا ہے۔ اجلاس میں فیصلہ کیا گیا کہ ای او بی آئی کی جانب سے جلد پنشن ڈے کا انعقاد کیا جائے گا۔

اجلاس میں وزیر اعظم کو بریفنگ دیتے ہوئے بتایا گیا کہ ذمہ داریاں ادا کرنے والے مالکان اور ایمپلائز کی حوصلہ افزائی کی جائے گی، رجسٹرڈ ایمپلائز کا مکمل ڈیٹا مرتب کیا جا رہا ہے۔ شکایات کے ازالے کے لیے جدید کمپلینٹ مینجمنٹ سسٹم شروع کیا جا رہا ہے۔

اجلاس میں پاکستان ریئل اسٹیٹ انویسٹمنٹ اینڈ مینجمنٹ کمپنی کی تجویز بھی پیش کی گئی، کمپنی کی جانب سے کم آمدنی والے افراد کے لیے گھروں کی تعمیر کی تجویز دی گئی۔ تجویز میں کہا گیا کہ منصوبے کے تحت 3 اور 5 مرلہ کے 5500 گھر تعمیر کیے جائیں گے۔

وزیر اعظم نے ای او بی آئی انتظامیہ کو پنشنرز کو ہر ممکنہ سہولت دینے کی ہدایت کردی۔ انہوں نے کہا کہ عمر رسیدہ افراد کی سہولت کے لیے اقدامات کیے جائیں۔

وزیر اعظم کا کہنا تھا کہ ای او بی آئی کے مسائل مشترکہ مفادات کونسل کے سامنے پیش کریں، معاملات کو خوش اسلوبی سے حل کر کے فلاح و بہبود پر توجہ دیں۔

Comments

comments

یہ بھی پڑھیں