The news is by your side.

Advertisement

وزیراعظم کی زیرِصدارت داخلی سلامتی، دورہ امریکہ سے متعلق اعلیٰ سطحی اجلاس

اسلام آباد: وزیراعظم نوازشریف کی زیر صدارت سیکیورٹی سے متعلق اعلیٰ سطح کا اجلاس ہوا جس میں قومی سلامتی اورملک کی داخلی صورتحال کا جائزہ لیا گیا۔

تفصیلات کے مطابق وزیراعظم کی زیرصدارت سیکیورٹی سے متعلق اعلیٰ سطح کا مشاورتی اجلاس ہوا۔ اجلاس میں وفاقی وزیرداخلہ چوہدری نثارعلی خان، وزیراعظم کے مشیر برائے خارجہ امور سرتاج عزیز، معاون طارق فاطمی، آرمی چیف جنرل راحیل شریف، ڈی جی آئی ایس پی آر لیفٹینٹ جنرل عاصم باجوہ سمیت دیگرشریک ہوئے۔

اجلاس میں قومی سلامتی اورملک کی داخلی صورتحال سمیت نیشنل ایکشن پلان سے متعلق بھی تبادلہ خیال کیا گیا۔

دوسری جانب مشاورتی اجلاس میں وزیراعظم کے 19اکتوبر کے دورہ امریکا سے متعلق بھی بات چیت کی گئی اور بالخصوص امریکی صدرباراک اوباما سے ملاقات اور اس میں خطے کی سلامتی اور پاکستان کے کردار کے حوالے سے ہونے والی بات چیت پر بھی غورکیا گیا۔

واضح رہے کہ وزیر اعظم نواز شریف 19 اکتوبر کو دورہ امریکا کے لئے روانہ ہوں گے۔

Print Friendly, PDF & Email

Comments

comments

یہ بھی پڑھیں