site
stats
پاکستان

وزیراعظم کی حسن روحانی کو دوبارہ ایران کا صدر منتخب ہونے پرمبارکباد

اسلام آباد : وزیراعظم نواز شریف نے حسن روحانی کو دوسری بار ایران کا صدر منتخب ہونے پر مبارکباد دیتے ہوئے کہا کہ ایرانی عوام کا آپ کی قیادت پر اعتماد کا اظہار ہے۔

تفصیلات کےمطابق وزیراعظم نوازشریف نے ایرانی صدر حسن روحانی کے نام پیغام میں انہیں صدارتی انتخاب میں دوبارہ کامیابی پر مبارکباد دیتے ہوئے کہا ہے کہ آپ کی قیادت میں ایران نے تمام ملکی اورعالمی سطح پرقابل ذکرکامیابیاں حاصل کیں جبکہ دوبارہ منتخب ہونا ایرانی عوام کا آپ کی قیادت پراعتماد کا اظہار ہے۔

وزیراعظم نوازشریف نے کہا کہ ایرانی عوام نے دوراندیش اور سمجھدار قیادت کومنتخب کیاہے کیوں کہ ایسی قیادت ہی ایران کوترقی کے راستے پر گامزن کرے گی۔

نوازشریف کا کہنا تھا کہ ایران کے ساتھ مضبوط معاشی وتجارتی پارٹنرشپ کے خواہاں ہیں۔وزیراعظم نے ایرانی صدر کے ساتھ مل کر خطے میں امن و استحکام کے لیے کام کرنے کے عزم کا اعادہ بھی کیا۔


ایرانی صدارتی انتخاب: حسن روحانی دوبارہ کامیاب


یاد رہےکہ ایران میں 12 ویں صدارتی انتخاب میں حسن روحانی نے58فیصد ووٹ لے کر اپنے حریف کو تو شکست دی ہی اور اس کے ساتھ ساتھ وہ دوسری بار ایران کے صدرمنتخب ہوگئے۔

واضح رہےکہ حسن روحانی کے حریف ابراہیم رئیسی نے ایران کے صدارتی انتخابات میں 39.8 فیصد ووٹ حاصل کیے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top