اسلام آباد : فیڈرل بیورو آف ریونیو (ایف بی آر) نے جولائی سے اکتوبر کے دوران 1840 ارب روپے ٹیکس وصول کرلیا، ہدف سے زیادہ ٹیکس وصول کرنے پر وزیراعظم نے ایف بی آر کو مبارک باد پیش کی۔
وزیراعظم عمران خان نے فیڈرل بیورو آف ریونیو (ایف بی آر کو چار ماہ کے دوران گزشتہ برس کے مقابلے میں 37 فیصد زیادہ ٹیکس وصول کرنے پر ہدیہ تبریک پیش کیا گیا ہے، وزیراعظم نے ٹوئٹ کے ذریعے مبارکباد پیش کی۔
عمران خان نے کہا کہ ایف بی آر نے چار ماہ میں 1840 ارب روپے ٹیکس وصول کیا، یہ ٹیکس وصولی گزشتہ برس کی نستب 37 فیصد زیادہ ہے جب کہ اکتوبر کے دوران ٹیکس وصولی ماہانہ ہدف سے زیادہ رہی۔
ٹوئٹ میں وزیر اعظم عمران خان کا کہنا تھا کہ ٹیکس وصولی میں اضافہ بہترین معاشی اکرکردگی کے باعث ممکن ہوا، جب کہ پروپیگنڈہ کے برعکس انکم ٹیکس میں بھی 32 فیصد اضافہ ریکارڈ کیاگیا۔
I want to congratulate FBR for achieving tax collection of Rs 1,840bn for July/Oct, which is 37% higher than last year. Tax in October has surpassed its monthly target set. It is all due to a robust economic performance.
Contrary to propaganda, Income Tax also grew by 32% YoY— Imran Khan (@ImranKhanPTI) October 30, 2021
اے آر وائی نیوز کی ڈیجیٹل ڈیسک کی جانب سے شائع کی گئی خبریں