وزیراعظم عمران خان کا اپنے دفتر میں شکایات سیل بنانے کا فیصلہ
The news is by your side.

Advertisement

وزیراعظم عمران خان کا اپنے دفتر میں شکایات سیل بنانے کا فیصلہ

اسلام آباد : وزیراعظم عمران خان نے عوام سے براہ راست رابطے کے لیے اپنے دفتر میں شکایات سیل بنانے کا فیصلہ کرلیا، جہاں وزیراعظم اور اراکین قومی اسمبلی عوام کی شکایات سنیں گے۔

تفصیلات کے مطابق وزیراعظم پاکستان نے اپنے دفتر میں شکایات سیل بنانے کا فیصلہ کرلیا، وزیراعظم شکایات سیل 40 ٹیلی فون لائنزپر مشتمل ہوگا،شکایات سیل صبح9 بجے سے دفتری اوقات میں کام کرے گا۔

شکایات سیل میں وزیراعظم اورارکان قومی اسمبلی براہ راست شکایات سنیں گ، بیوروکریسی کی شکایات کا فوری ازالہ ہوگا، شکایت سیل سے ای میل، واٹس ایپ کے ذریعے بھی رابطے ہوسکیں گے۔

پورے پاکستان سے شکایات سیل میں کالز کی جاسکیں گی۔

مزید پڑھیں : مسائل کے حل کیلئے وزیراعظم عوامی ڈلیوری یونٹ قائم کرنے کافیصلہ

یاد رہے کہ چند روز قبل وزیراعظم عمران خان نے عوام کے مسائل کے حل کے لئے اقدام اٹھاتے ہوئے عوامی ڈلیوری یونٹ کے قیام کا فیصلہ کیا تھا، یونٹ کا سربراہ وفاقی سرکار کا افسر ہوگا اور تمام صوبوں کو نمائندگی دی جائے گی، چاروں صوبوں سے 2 ،2 افسر فوکل پرسن کے طور پر شامل ہوں گے۔

خیال رہے انتخابات میں کامیابی کے بعدعمران خان نے ہر ہفتے بطوروزیر اعظم ایک گھنٹہ عوام کے سوالات کے جوابات دینے کا اعلان کرتے ہوئے اور کہا تھا کہ فیصلے میرٹ پر اور قوم کے مفاد کیلئے کروں گا۔

Comments

comments

یہ بھی پڑھیں