site
stats
سندھ

وزیراعظم چوہدری نثار کو فوری برطرف کریں، عاجز دھامرا

نواب شاہ : پاکستان پیپلز پارٹی سندھ کے سیکریٹریاطلاعات سینیٹر عاجز دھامرا نے کہا ہے کہ وفاقی وزیر داخلہ چوہدری نثار علی خان کے کالعدم دہشت گرد تنظیموں سے تعلقات ثابت ہوگئے ہیں، وزیراعظم چوہدری نثار کو فوری برطرف کیا جائے۔

پیپلزسیکریٹریٹ نواب شاہ میں پریس کانفرنس سے خطاب کرتے ہوئے انہوں نے وزیر اعظم نواز شریف سے مطالبہ کیا کہ ’’کوئٹہ کمیشن کی رپورٹ سے واضح ہوگیا کہ وزیر داخلہ چوہدری نثار کے کالعدم دہشت گرد تنظیموں سے تعلقات ہیں اس لیے فوری طور وزیر داخلہ کو برطرف کیا جائے‘‘۔

سینیٹر عاجز دھامرا نے کہا کہ وزیر داخلہ چوہدری نثار پیپلز پارٹی کے چئیرمین بلاول بھٹو کی جانب سے پیش کیے گئے چار مطالبات کو سبوتاژ کرنے کی کوشش کررہے ہے پیپلز پارٹی مک مکا کی سیاست پر یقین نہیں رکھتی۔


پڑھیں: ’’ وزیراعظم نے چار مطالبات نہ مانے تو دما دم مست قلندر ہوگا، بلاول ‘‘


انہوں نے کہا کہ پیپلز پارٹی ملک کی وہ واحد جماعت ہے جو پاناما لیکس کے معاملے پر احتساب اور مستقل قانون سازی کے لیے سنجیدہ ہے، انہوں نے کہا کہ تحریک انصاف کے ساتھ مشاورت اور مشترکہ جدوجہد پر اتفاق رائے ہوا تھا مگر عمران خان ہمیشہ کی طرح اکیلے ہی اس معاملے کو لے کر سڑکوں پر نکلے۔

عاجز دھامرا نے مسلم لیگ کو متنبہ کیا کہ اگر بلاول بھٹو کی جانب سے پیش کردہ چار مطالبات تسلیم نہ کیے گئے تو دما دم مست قلندر ہوگا، آئی جی سندھ کو ہٹانے کے حوالے سے پی پی پر لگائے جانے والے الزامات بلاجواز ہیں۔


مزید پڑھیں: ’’ پیپلز پارٹی چار مطالبات پر سیاست نہ کرے، مریم اورنگزیب ‘‘


انہوں نے کہا کہ سابق صدر آصف علی زرداری 23 دسمبر کو دن 1 بجے کراچی ائیرپورٹ پہنچیں گے تو اُن کا تاریخی استقبال کیا جائے گا جس کے انتظامات کی ذمہ داری پی پی کراچی ڈویژن کے سپرد کی گئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top