اسلام آباد : وزیراعظم نواز شریف آج3روزہ دورے پر بوسنیا روانہ ہوں گے،جہاں وہ اپنے ہم منصب ڈینس زیویدوک سے ملاقات کریں گے۔
تفصیلات کےمطابق دفتر خارجہ کی طرف سے جاری بیان میں کہا گیا ہےکہ وزیر اعظم اپنے ہم منصب ڈاکٹر ڈینس زیویدوک کی دعوت پر آج بوسنیا ہرزیگووینا پہنچیں گے۔
وزیراعظم نوازشریف اپنے تین روزہ سرکاری دورے کے دوران بوسنیا کے وزیراعظم سےملاقات کریں گےجبکہ وفود کی سطح پر مذاکرات بھی کئے جائیں گے،جن میں سیاسی تجارتی اوراقتصادی تعلقات سمیت ثقافتی اور تعلیمی روابط کے فروغ پر غورکیاجائےگا۔
بیان میں مزیدکہا گیا ہےکہ وزیراعظم نواز شریف بوسنیا کی پریذیڈینسی کے ارکان کے علاوہ پارلیمانی اسمبلی کے ایوان زیریں اور ایوان بالا کے رہنماﺅں اور ارکان سے بھی ملاقاتیں کریں گے۔
وزیراعظم بوسنیا ہرزیگووینا کے بزنس فورم سے خطاب کریں گےاور فارن ٹریڈ چیمبراینڈ فارن انویسٹمنٹ پروموشن ایجنسی کے ارکان سے بھی ملیں گے۔
مزید پڑھیں:بیرون ملک دور، وزیر اعظم نے پی آئی اے سے بوئنگ 777طیارہ مانگ لیا
یاد رہےکہ گزشتہ روز وزیراعظم کے دورہ بوسنیا کے لیے بوئنگ777طیارے کو وی وی آئی پی طیارہ بنانے کےلیےانجینئرز کو احکامات جاری کیےگئے تھے۔
مزید پڑھیں:نوازشریف کا شاہانہ اندازمیں طیارے کا مطالبہ شرمناک ہے،عمران خان
واضح رہے کہ گزشتہ روزچئیرمین تحریک انصاف عمران خان کا کہناتھاکہ کرپٹ حکمرانوں نے ہمیں بنانا ری پبلک بنا دیا، نوازشریف کا شاہانہ اندازمیں پی آئی اے سے ٹرپل سیون کا مطالبہ شرمناک ہے۔