The news is by your side.

Advertisement

وزیراعظم کا صحت سہولت پروگرام کے تحت انشورنس کی فراہمی پر اطمینان کا اظہار

لاہور: وزیراعظم عمران خان نے صحت سہولت پروگرام کے تحت انشورنس کی فراہمی پر اطمینان کا اظہار کیا۔

تفصیلات کے مطابق وزیراعظم کی زیرصدارت صوبہ پنجاب میں شعبہ صحت کی ترقی کے حوالے سے اجلاس ہوا جس میں وزیراعلیٰ پنجاب، وزیر صحت پنجاب وزیرخزانہ ہاشم جواں بخت، صوبائی وزیرفیاض الحسن چوہان اور سینئر افسران نے شرکت کی۔

اجلاس میں وزیراعظم کو پنجاب میں شعبہ صحت میں نئے اور جاری منصوبوں سے متعلق بریفنگ دی گئی۔

اس موقع پر وزیراعظم پاکستان نے جاری منصوبوں کی جلد تکمیل اور دستیاب وسائل بروئےکار لانے اور اسپتالوں میں معیاری سہولیات کی فراہمی،صفائی کے اقدامات کی ہدایت کی ہے۔

وزیراعظم عمران خان نے صحت سہولت پروگرام کے تحت انشورنس کی فراہمی پر اطمینان کا اظہار کیا۔

اجلاس سے خطاب کرتے ہوئے وزیراعظم کا کہنا تھا کہ ماضی میں صحت کے شعبے کو نظر انداز کیاگیا جس کا خمیازہ عوام بھگت رہی ہے، شعبہ صحت کو نظر انداز کیاگیا جس کے باعث کرونا سے نمٹنے میں مشکلات آئیں۔

وزیراعظم پاکستان کا مزید کہنا تھا کہ حکومت نے صحت کے شعبے میں جامع اصلاحات کا پروگرام متعارف کرایا۔

عثمان بزدار ایک ڈائنامک وزیراعلیٰ ہیں،وزیراعظم عمران خان

اس سے قبل لاہور میں قائداعظم بزنس پارک کا سنگ بنیاد رکھنے کی تقریب سے خطاب کرتے ہوئے وزیراعظم عمران خان کا کہنا تھا کہ عثمان بزدار ایک ڈائنامک وزیراعلیٰ ہیں۔

Comments

یہ بھی پڑھیں