کراچی : وزیراعظم پاکستان میاں محمد نواز شریف نے ’سی اسپارک 2015‘ کے عنوان سے جاری بحری مشقوں کی اختتامی تقریب سے خطاب کرتے ہوئے پاکستان نیوی کی پیشہ ورانہ صلاحیتوں پربھرپوراعتماد کا اظہار کیا ہے۔
بحیرہ عرب میں ہونے والی سالانہ دفاعی مشقوں میں پاکستان نیوی نے اپنی پیشہ ورانہ صلاحیتوں کا مظاہرہ کرتے ہوئے ثابت کیا کہ بحری افواج روایتی اورغیرروایتی جنگ کے لئے تیارہے اورکسی بھی خطرے کا سامنا کرسکتی ہے۔
اس موقع پرپاکستان نیوی کے حکام نے وزیراعظم کوبریفنگ دی اورانہیں یقین دہانی کرائی کہ پاک بحریہ اپنی سمندری حدود میں قیام امن کی مکمل صلاحیت رکھتی ہے۔
وزیراعظم نے نواز شریف نے پاک بحریہ کی صلاحیتوں پر بھرپوراعتماد کا اظہارکرتے ہوئے زوردیا کہ موجودہ حالات میں اندرونی اوربیرونی خطروں کی جانب سے ہرلحظہ ہشیار رہنے کی ضرورت ہے۔
وزیراعظم کی آمد کے موقع پر چیف آف نیول اسٹاف ایڈمرل محمد ذکا اللہ نے انہیں پی این ایس نصرمیں خوش آمدید کہا، وزیراعظم کے ہمراہ وزیراعلیٰ سندھ قائم علی شاہ بھی موجود تھے۔
اس سے قبل وزیراعظم نے کراچی میں ہندو برادری کی جانب سے دیوالی کے حوالے سے منعقدہ تقریب میں بھی شرکت کی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں